Yam Concepcion,

Dugay Nang Gipaabot ang Pagbida Sa “Init Sa Magdamag”

GIKAN sa kanunayng pagdala sa papel nga kontrabida, ang Kapamilya aktres nga si Yam Concepcion bida na gayod sa teleseryeng “Init Sa Magdamag” diin nagsugod na og gawas sa miaging buwan.

Giangkon sa aktres nga dugay na niyang gipaabot kining maong kahigayonan. Human sa napulo ka tuig sa showbiz, mapasalamaton si Yam nga nadughit ra gyod niya ang kinaunhang lead role sa usa ka serye. Ug wala man tingaliy artista nga wala mangandoy niining maong pinasahing papel sa usa ka proyekto. Ug kini nagmatuod lang usab sa kongkretong pedestal nga gitungtongan karon ni Yam.

Pamahayag pa niya sa mga sakop sa prensa, “Fulfilling ang pakiramdam na after ten years ay ngayon lang ako nagkaroon ng lead role. Ang tagal kong naghintay.”

Giingon usab sa 32 anyos nga aktres nga ang iyang karakter dinhi isip si Rita, nga usa ka politician nga nabalhog sa usa ka love triangle, mas halawom kaayo. Ug niining maong han-ay sa naratibo, tataw nga daghan kaayo ang maka- relate niini. Ug dayag nga hugopan kini sa mga mahiligon og TV series.

Padayong gibutyag ni Yam, “Iyong mga ginagawa gawa kong roles noong nag-start ako sa showbiz, lahat sexy, laging g ganoon ang image ko. Pero with this teleserye, more than just being sexy, na-test iyong vulnerability ko. Bilang actor din, na-push a-push ako sa kung anong puwede kong ibigay na emotions. ons. Na-experience ko iyong mga emotions na hindi ko o nae-experience rati.”

Tuig 2012 sa dihang gilusad ang aktres sa Viva Entertainment isip usa ka sexy star sa mapangahason nga pelikulang “Rigodon”. Ug tanan tingaling nakakita sa maong pelikula, nakapanakla. Ug kini mitatak gayod sa hunahuna na sa mga moviegoers. Talagsaon man god ang iyang papel didto. Sa usa ka bag-ohanon nga sama kaniya niadtong panahona, matawag nga kalamposan na kadto sanglit ang ubang artista wala man mahatagi og ingon kadakong pagsalig. g. Nagsugod usab ang panaw ni Yam isip TV actress ss pinaagi sa serye sa ABS-CBN nga may ulohang g “Dugong Buhay” kaniadtong 2013. Ug ang iyang ng role niining maong serye, nakataga gihapon sa atensiyon sa mga tumatan-aw.

Dugang pa niya, “Nahirapan nga ako eh, for two years, pino-portray ko, laging kontrabida.”

Kahinumdoman nga si Yam nailhan sa mga papel isip si Jade Flores sa TV series nga “Halik” ug isip sip si Dana Wong sa seryeng “Love Thy Woman”.

Ang pasundayag nga “Init sa Magdamag” gisalmotan usab nila ni Gerald Anderson ug JM M de Guzman, gikan sa pagdumala nila ni Raymund und Ocampo ug sa co-director niining si Ian Lorenos. s. Busa maingon gayod nga dili basta-basta kining maong ng proyekto.

Nahisgotan usab ni Yam nga gibakikawan siya iya dihang gi- shoot nila ang mga intimate scene nila a ni Gerald, tungod kay dili pa man sila ingon kasuod sa maong panahon. Tinuod gyod. Kay lisod man kaayo ilihok kon dili ka komportable sa imong ka- partner sa mga intimate scene sa usa ka serye o kaha pelikula. Nagkinahanglan kinig igong kaisog ug pag-amping sa mga tawo sa set nadto sa mga artista aron magmalamposon ug magmatinud-anon ang pagpadagan sa mga esena.

Makita man god kuno sa nahiuna nilang mga esena nga tataw ang ilang pagka bakikaw sa usag usa, maong nangayo sila og tunga sa oras aron ila-ilahon ang usag usa. Ug kini gitugotan usab sa ilang mga direktor. Nagpasabot kini nga nakasabot kaayo ang nagdumala sa serye sa kamahinungdanon sa rapport sa matag artista.

Matod pa ni Yam, lahi kaayo ang masud-ong sa mga tumatan-aw niining iyang bag-ong proyekto. Lahi kaayo kini sa unsa may natatak nga hulagway o karakter ni Yam sa nahiuna niyang mga proyekto. Dinhi, siya mao si Rita Macatangay Alvarez nga nagtubo nga kabos kaayo, breadwinner sa iyang pamilya. Ug kini ang hinungdan nganong sa lapyo pa kaayong pangisip nakakat-on na siya sa mga diskarte sa kinabuhi. O, di ba, daghan kaayo ang maka- relate niini. Dili man maingon nga parehas gyod pero adunay semblance sa kasagaran sa atong kinabuhi. “So, maabilidad siya, kaya parang lahat ng raket kaya niyang pasukan. She grew up not knowing her father and even without a father, iyong pangarap niyang maging nurse, kahit wala silang pera, hindi iyon naghinder sa kanya na tuparin ang pangarap niya na maging nurse para makatulong sa mga tao,” sugid pa ni Yam.

Niining maong serye, mopatilaw ang aktres sa mga angayng atngan sa iyang mga magdadayeg. Kon unsa man kini, aw, mahibaw-an ra unya kining tanan samtang magdagan ang pasundayag kay maganam man unyag kahugot ang naratibo sa sugilanon niini.

Sagbat pa niya, “Si Tupe (Gerald) ang kanyang first love, siyempre kapag tinamaan ka ng pag-ibig hindi mo alam, medyo bobo ka. You know in life, sometimes may mga darating sa atin that will test our morals.

“Sa journey ni Rita, she meets a guy who will completely change her life. Itong lalaki na ito, tinanggap tapos inako lahat ng mga baggages niya. And a guy who asked her hand in marriage and that is Peterson Alvarez, played by JM.”

Apil usab sa nahisgotang serye sila si Joey Marquez, Aleck Bovic, Mark Oblea, Mickey Ferriols, Lovely Rivero, Albie Casiño, Rafa Siguion-Reyna, ug Jeric Raval. Sa ato pa, kon tan-awon nato ning line-up sa mga artista, makaingon gyod ta nga dako kaayo kining maong proyekto ug takos kining dili nato lab-angan sa pagtan-aw ug pagsunod.

Ang “Init sa Magdamag” matan-aw sa primetime bida block sa Kapamilya Channel, A2Z, ug TV5. —