Coogee Beach, Sydney
Uska lalaki nga luya nag tuhod
Nagtindog ngilit sa batoong pangpang
Nangalap og mga pulong nga tagikong balak
Didto sa asul nga dagat
Didto sa bughaw nga langit
Apan ang mga pulong nanago
Sama sa mga umang nagpahipi sa hinulmang balayan Didto sa mga bato sa tiilan sa kantil
Nga gitilap-tilapan sa mga balod
Apan wala motaliwan ang iyang kadasig
Nga kauban sa uska babayeng luya nag tuhod Nagsubay sa dalan-dalan
Ngilit sa batoong pangpang
Milantaw sa unahang babayon
Sa puting mga langgam sa panhulagong balas
Nga gilakag-lakag sa putiong mga bata.
EMETERIO S. SUMAGANG Valencia City, Bukidon