Mirror Of Fortune
( ANG INYONG KAPALARAN SA HULYO 1-15, 2021)
SAGITTARIUS – (Nobiyembre 22 – Disyembre 21) – Makahagdaw kag importanteng impormasyon nga magamit sa imong pagpanukiduki. Di ka mag-usik og panahon sa imong paningkamot. Kinahanglan nga matapos ang imong proyekto sa di pa moabot ang dedlayn. Mainit ang romansa. Lunes ang suwerte mong adlaw ug 3, 4, 5 ang palaran mong numero.
CAPRICORN – (Disyembre 22 – Enero 19) – Niining mga semanaha mobalik ang paglagsik sa imong panglawas. Sunda lamang ang mga pahimangno sa doktor. Kinahanglan nga ipadayon ang regular nga pag-ehersisyo. Magmatngon ka na kanunay. Makapatabisay sa laway ang romansa. Suwerte mong adlaw ang Huybes ug palaran mong numero ang 7, 9, 8.
AQUARIUS – (Enero 20 – Pebrero 18) – Matugkad mo ang makahuloganong pahayag sa imong ugangan. Doblehon ang imong paningkamot aron makabarog ka na sa imong kaugalingon. Makakita kag ekstrang trabaho aron madugangan ang kinitaan. Tabunok ang romansa. Sabado ang suwerte mong adlaw ug 6, 2, 1 ang palaran mong numero.
PISCES – (Pebrero 19 – Marso 20) – Niining mga semanaha makadiskobre kag tinagoan nga angayan gyod ikabutyag. Kinahanglan nga mapitol ang hiwing batasan sa imong igsoon. Magpadayon kang magpakabana alang sa pamilya. Makapiyong kas kalami. Suwerte mong adlaw ang Biyernes ug palaran mong numero ang 4, 7, 3.
ARIES – (Marso 21 – Abril 19) – Mapukaw ang gitipigan mong pagbati. Mamatikdan mo ang pinakil-op nga sinipatan sa kanhi mong gihalaran. Mosamot kag kadasig sa pagtrabaho. Mobiya ka na sa imong mga bisyo. Magmabulokon ang relasyon nga imong masum-okan. Martes ang suwerte mong adlaw ug 8, 6, 4 ang palaran mong numero.
TAURUS – (Abril 20 – Mayo 20) – Niining mga semanaha ganoyon ka sa paghanduraw sa masadyaong nangagi. Mokamang ang mga kuyamoy sa kamingaw nga mogitik sa imong panumdoman. Di ka makalikay sa kagilok sa paghandom. Makahangos ka sa tumang katagbaw. Suwerte mong adlaw ang Domingo ug palaran mong numero ang 9, 1, 5.
GEMINI – (Mayo 21 – Hunyo 20) – Mapahimuslan mo ang tinagoan mong abilidad. Makamao ka nang magbadyet sa imong suweldo. Mangandam ka alang sa umaabot. Pun-an mo pa ang kadasig sa pagpanglimbasog. Mahandurawon ka. Lahing romansa ang imong matilawan. Domingo ang suwerte mong adlaw ug 9, 2, 7 ang palaran mong numero.
CANCER – (Hunyo 21 – Hulyo 22) – Niining mga semanaha alingahon mo ang gipahat nga trabaho sa simbahan. Mapalapdan mo ang imong panlantaw sa kaugmaon. Dako kag ikatabang nga magmalamposon ang imong manghod. Makasinati kag kalipay sa bag-o mong relasyon. Suwerte mong adlaw ang Sabado ug palaran mong numero ang 5, 3, 8.
LEO – (Hulyo 23 – Agosto 22) – Optimistiko kang matapos og dali ang imong proyekto. Daghan kag matabangan sa gisugyot mong pamaagi. Magpadayon ka sa imong pagka matinabangon. Di ka molaktaw sa imong makanunayong pag-ampo. Kusog ang imong karisma. Biyernes ang suwerte mong adlaw ug 6, 2, 4 ang palaran mong numero.
VIRGO – (Agosto 23 – Septiyembre 22) – Niining semanaha daghan ang makaalinggat sa talagsaong awra sa imong personalidad. Misamot kang maabiabihon sa imong isigkaingon. Matugkad sa imong panagway ang way salimbong nga kalipay. Kusog kag sex appeal. Suwerte mong adlaw ang Huybes ug palaran mong numero mao ang 7, 3, 5.
LIBRA – (Septiyembre 23 – Oktubre 22) – Motimbakuwas ka sa kahimatngon human sa imong kasaypanan. Makalingkawas ka na sa imong obligasyon. Magmatngon ka na sa imong mga lakang. Isalig mo na ang tanan sa Diyos. Magpabilin ang kamainiton sa salohang romansa. Martes ang suwerte mong adlaw ug 9, 8, 4 ang palaran mong numero.
SCORPIO – (Oktubre 23 – Nobiyembre 21) – Niining mga semanaha daghang trabaho ang isangon kanimo. Ayaw pagreklamo kay gisulayan lang ang imong katakos. Di madugay ma- promote ka sa imong posisyon. Padayon sa imong kamakugihon. Makapiyong ka sa kalalim. Suwerte mong adlaw ang Miyerkoles ug palaran mong numero ang 4, 6, 1.