Mirror Of Fortune
( ANG INYONG KAPALARAN SA HULYO 16-31, 2021)
SAGITTARIUS – (Nobiyembre 22 – Disyembre 21) – Niining mga semanaha mobalik pagalibyo ang imong panglawas. Ipadayon lang ang regular mong pag-ehersisyo. Kinahanglan nga biyaan na ang imong pag-inom ug pagsigarilyo. Makanunayong mainiton ang hagwa ug dula sa kama. Suwerte mong adlaw ang Huybes ug palaran mong numero ang 3, 4, 5.
CAPRICORN – (Disyembre 22 – Enero 19) – Masipong mo na ang mga sirkumstansiya nga magdugtong ngadto sa kamatuoran. Way aso gyod nga makumkom. Lugwayan mo pa ang imong pasensiya. Ipatigbabaw mo ang kaangayan. Molikay ka sa pakiglalis. Di mo kapugngan nga makahangos. Domingo ang suwerte mong adlaw ug 6, 7, 8 ang palaran mong numero.
AQUARIUS – (Enero 20 – Pebrero 18) – Niining mga semanaha may motanyag kanimog pabor. Pagmatngon kay adunay nagpahiping tumong nga makapagapos kanimo sa kabilinggan. Ayaw kalimot sa pagbasa sa Bibliya aron giyahan ka kanunay. Daghan kag kinusian tungod sa baryasyon. Suwerte mong adlaw ang Lunes ug palaran mong numero ang 1, 7, 3.
PISCES – (Pebrero 19 – Marso 20) – Makamao ka nang mosagubang sa mga pagsulay sa kinabuhi. Andam kang moasdang sa kalisod nga modasmag sa imong pagpanglimbasog. Di ka molugak sa imong pangandoy nga moasenso sa umaabot. Magmabulokon ang imong relasyon. Miyerkoles ang suwerte mong adlaw ug 5, 3, 8 ang palaran mong numero.
ARIES – (Marso 21 – Abril 19) – Moduyog ka sa katilingbanong kalihokan nga gipasiugdahan sa giapilan mong asosasyon. Ituboy kang lider tungod sa ipakita mong kadasig. Daghan ang makauyon sa imong mga suhestiyon. Magmalungtaron ang bag-o mong relasyon. Biyernes ang suwerte mong adlaw ug 6, 2, 9 ang palaran mong numero.
TAURUS – (Abril 20 – Mayo 20) – Niining mga semanaha magmabungahon ang imong pagpaningkamot. Modapig kanimo ang maayong kahigayonan. Mapahimuslan mo na ang mga pag-antos. Daghan ang mokuha sa imong maayong serbisyo. Makigdungan ka pagtungas sa himaya. Suwerte mong adlaw ang Martes ug palaran mong numero ang 8, 1, 4
GEMINI – (Mayo 21 – Hunyo 20) – Niining mga semanaha mapadaplin ang imong suliran kay daghan kag alingahong trabaho. Mogahin ka pag panahon alang sa kalihokan sa simbahan. Moapil ka sa choir. Hatagan mog dugang atensiyon ang imong mga anak. Mainit ang romansa. Suwerte mong adlaw ang Martes ug 9, 7, 4 ang palaran mong numero.
CANCER – (Hunyo 21 – Hulyo 22) – Makalingkawas ka na sa dugay na nimong utang. Moayuda nimo ang imong igsoon nga nagtrabaho sa abroad. Kinahanglan nga kamao ka nang magbadyet sa imong kinitaan. Makabaton kag kalinaw sa panghunahuna. Kusog ang imong karisma. Lunes ang suwerte mong adlaw ug 5, 1, 2 ang palaran mong numero.
LEO – (Hulyo 23 – Agosto 22) – Niining mga semanaha makadawat kag insentibo nga dugay na nimong gilaoman. Matibhangan na ang imong kahingawa. Makasentro ka na sa imong giatubang nga trabaho. Ipadayon ang imong pagka manggihatagon. Makawiwili ang romansa. Suwerte mong adlaw ang Miyerkoles ug palaran mong numero ang 3, 7, 6.
VIRGO – (Agosto 23 – Septiyembre 22) – Moluwat kag desisyon nga ikahimuot sa imong ginikanan. Ikapasigarbo ka nila tungod sa imong kabuotan. Magmalamposon ka sa umaabot. Dunggon na ang imong pag-ampo. Mabaid og maayo ang imong salabotan. Madani kas pahiyom. Sabado ang suwerte mong adlaw ug 8, 4, 9 ang palaran mong numero.
LIBRA – (Septiyembre 23 – Oktubre 22) – Niining mga semanaha mouliot sa imong kaisipan ang halandomong kagahapon. Makapahiyom ka samtang nagpiyong ang imong mata nga nag- imagine. Di mo angayng tagdon ang mga tsismis. Makahibalag kag binuhat nga mounong kanimo. Suwerte mong adlaw ang Domingo ug palaran mong numero ang 2, 7, 5.
SCORPIO – (Oktubre 23 – Nobiyembre 21) – Makalikay kas kabilinggan kon ihunong na ang imong mga bisyo. Maayo pag dupot ka na lang magtuon sa imong mga leksiyon. Mokuyog ka na sa pagsimba matag Domingo. Magpabilin ka nang ligdong. Di kapugngan ang paghangos sa kalalim. Biyernes ang suwerte mong adlaw ug 1, 9, 2 ang palaran mong numero.