Bisaya

RON MACAPAGAL

Dunganon Ang Pag-awit ug Akting

-

BISAN sa mga nanghitabo tungod sa pandemic, ang BidaMan finalist sa “It’s Showtime” nga si Ron Macapagal padayon gihapon sa pagka aktibo sa iyang mga tulumanon sa showbiz.

Bag-o lang niyang natapos ang paggama sa pelikulang “Minsa’y Isang Alitaptap” ni Direk Romm Burlat.

Kauban niyang bituon dinhi sila ang mga beterana ug beteranong artista nga sila si Teresa Loyzaga,

Diego Loyzaga, ug Ms. Gina Pareño.

Ang pelikula ilawom sa bag-ong kompaniya sa pamelikula nga TTP ni Ms. Teresita

Pambuan, ubos sa pakigtamba­yayong sa

ROMMantic Entertainm­ent Production­s.

Mihatag si Ron og diyotayng patilaw kon bahin sa unsa kining ilang pelikula nga gipaabot na kaayo sa mga mahiligon sa sine.

Matod niya,

“Ang role ko sa movie, dual role kasi, I play both

Darcel and Abner. Bale, ginampanan ko po ang dalawang mag-ama which is a real challenge, given that magkaiba sila ng ugali.

“This movie talks about forgivenes­s, family, reconcilia­tion, and a roller coaster ride of drama and emotions.”

Ang sugilanon sa “Minsa’y Isang Alitaptap” ing kabahin kang Lucia (Teresa) ug sa iyang paghibalik sa dapit diin siya nakakita og kahayag ug midako kauban ang iyang mga ginikanan.

Sa iyang pagbalik, minglakdop ug subling naabli ang mga handomanan sa kagahapon nga iyang gitalikdan niadtong panahong gikinahang­lan niyang ihikom sa kangitngit ang usa ka panghitabo nga, alang kaniya, usa ka trahedya nga nakapausab sa iyang kinabuhi.

Sama sa mga aninipot nga kanunayng isugid sa iyang inahan nga si Amelia (Gina), subling mahaling ug mohayag ang mga handomanan­g buot niyang ikyasan.

Gipadayag niya kon

unsang matanga nga katrabaho ang mga veteran actress nga sama nila ni Gina ug Teresa.

Ang gipadayag ni Ron, “Tita Gina and Tita Teresa are both wonderful people, inside and out. I’ve learned a lot of things— acting in particular, while working with them. Napakabait, humble, lightheart­ed, and approachab­le sila. Ang dami kong natutunan sa kanila, for sure.”

Sa miaging tuig, nakahipos usab siyag ubay-ubay nga pasidungog ilabi na sa natad sa pag-akting. Usa na niini ang kadaogan niya isip Labing Maayong Aktor sa gipahigayo­n nga Druk Internatio­nal Film Festival sa Bhutan. Kini alang sa talagsaon niyang pagdala sa iyang papel sa pelikulang “Tutop”.

Kining maong pasidungog ikaduha na kining Best Actor Award ni Ron sa internasyo­nal nga arena. Ang una niini mao ang Oniros Film Award sa nasod sa Italya alang sa iyang gidalang papel sa pelikulang “Cuckoo”.

Sa natad usab sa musika, sa pagsugod sa tuig 2021 nakapagawa­s og usa ka single si Ron. Kini mao ang “Bakit Di Pagbigyan” gikan sa PolyEast Records. Diin gisundan usab sa laing single nga “Lilim”.

“Iyong first single ko, talks about letting go of past heartbreak­s and moving forward. Ang second naman which is Lilim, is about that one person that makes you feel loved whenever you’re with that person,” daklit niyang hisgot.

Giangkon sa aktor/magaawit nga sa pagkakaron maoy iyang gihatagan og mas dakong atensiyon sa iyang panahon ang talento sa pagkanta.

“Naka-focus po ako ngayon sa aking music career and willing naman po if mayroon din pong opportunit­ies na darating.”

Ug tungod kay aktor ug recording artist man gayod siya ug malisod baya pilion kon hain niining duha ang himoon nga dalan sa kinabuhi, hain man gyod niini ang iyang priority?

Miesplikar si Ron, “Since bata pa ako (7 years old), I’ve really been musically-inclined and iyan talaga ang aking emotional outlet… roon talaga ako most happy… when I’m in music-zone.

“While acting naman is something I enjoy and love doing. Both of them have a special place in my heart, and doing them both gives me great joy,” panapos sa aktor/mag-aawit. —

 ??  ??
 ??  ??
 ??  ??

Newspapers in Cebuano

Newspapers from Philippines