Si Paco Arespacochaga Ug Ang Bandang Introvoys

USA sa nag-unang tingog sa musika sa dekada 90 mao ang banda nga Introvoys. Ang mga awit nga “Just A Dream”, “Lullabye”, “Kailanman”, “Hindi Na Ko Aasa Pa” ug ang hit nga awit sa banda nga “Line To Heaven” maoy pipila lamang sa matawag natog huni sa maong dekada nga mugna sa bandang Introvoys nga naglayag sa kabantog sa maong panahon.

Ang Introvoys naporma sa Manila, Pilipinas sa tuig 1986 pinaagi ni 3rd-G Cristobal, Paco, Jonathan Buencamino. Sila si 3rd-G ug Paco managkauban sa saring sa hayskol, apan dugay nang managkaila sukad pa sa ilang pag-eskuyla sa elementarya. Ang unang mga sakop sa Introvoys naglakip nilang Jonathan Buencamino, Paco Arespacochaga ug 3rd-G Cristobal nga didto ipahigayon sa usa ka gamayng espayo sa eskina sa Katipunan ug Santolan sa Dakbayan sa Quezon, Pilipinas. Atol sa ilang unang rehearsal, gitudloan ni 3rd-G si Paco unsaon pagbunal sa mga tambol. Paglabay sa panahon, ilang gidugang sa grupo ang manghod ni Jonathan Buencamino nga si Jj aron maoy motokar sa keyboards, Ira Cruz sa lead guitar, ug Jobert Buencamino alang sa bass guitar. Ilang girekord ang kanta nga “Just a Dream” diin gipagawas sa compilation album nga “10 of Another Kind” sa tuig 1989.

Tungod sa ubang priorities, gibiyaan ni 3rd-G ang iyang posisyon isip tigtokar sa rhythm guitar sa banda. Ang banda mipagawas sa ilang debut album nga “Back to the Roots” sa tuig 1990. Ang unang duha ka single nakakab-ot og dili kaayo maayong pagdawat ug ang label sa banda nga mao ang Dyna Records andam na kaayo sa pagtagak kanila. Apan bisan pa niini, ang ilang ikatulo nga single nga nag-ulohan og “However Which Way” misulbong ngadto sa numero unong posisyon sa Metro Manila sulod lang sa duha ka semana. Nahimo kining numero uno sa tibuok nasod paglabay sa usa ka buwan nga maoy naggahas sa ilang national tour. Ang maong tour tinagsip sa samang album nga sertipikadong numero uno nga mga single sama sa “Calling All Nations”, “Maynila” ug “Lullabye” sa paghingalan lang og pipila. Si Ira Cruz mibiya sa banda sa tuig 1991.

Sa dihang si Ira Cruz mibiya sa Introvoys, gipulihan siya ni Vic Carpio isip maoy ilang bag-ong gitarista. Ang ikaduhang album sa banda nga nag-ulohan og “Breaking New Grounds” gipagawas kaniadtong tuig 1992. Lakip niining maong album mao ang mga hit nga “Will I Survive”, “Di Na Ako Aasa Pa”, “Stay” ug ang

“Are You Happy”. Ang naasoyng album nakakab-ot sa dungog nga quadruple platinum status nga maoy nakaingon nganong ang Introvoys giagnayan og “The No. 1 Band in the Land”. Sa tuig 1993, ang banda mipagawas sa ilang ikatulong album nga nag

ulohan og “Line to Heaven” diin ang carrier single niini sinuwat mismo ni Paco Arespacochaga human siya makasinati og kasubo tungod sa pagkawala sa iyang mga ginikanan. Kining maong album naglakip usab sa lain nilang hit nga mao ang kanta nga “Kailanman”.

Si Jobert Buencamino mibiya sab sa banda sa tuig 1994 tungod sa personal ug kahimsog nga mga rason. Gidapit sa banda si Paku Herrera sa bandang Neocolours aron maoy mopuli sa gibiyaang posisyon ni Jobert. Niining panahona, ilang gipagawas ang ilang unang greatest hits concert nga nag-ulohan og “Greatest Hits... Live” nga gisundan sa ilang carrier single nga “Living My Life” sa tuig 1995. Ang ikaupat nga album nga nag-ulohan og “One” gipagawas sab kaniadtong tuig 1996 ug naglakip kini sa mga hit nga “Tell Me Why”, “More Than A Friend” ug “Magkaisa Tayong Lahat”. Kini mao ang kataposang album ni Paco Arespacochaga ug mibiya siya sa banda kaniadtong 1996 ug gipulihan siya ni Toto Villanueva isip maoy bag-ong tambolista. Ug niining panahona, gipagawas sa banda ang ilang ikaupat nga album nga nag-ulohan og “Eroplano” nga nagpasundayag sa mga hit nga “Fool”, “My Child”, “Eroplano”, “The Big Ride” ug ang cover sa kanta ni

Mr. Rey Valera nga “Kung Kailangan Mo Ako”. Usa ka tuig ang milabay, napugos sab pagbiya si Jonathan Buencamino tungod sa usa ka balatian nga maoy nakaingon sa pagkawala sa ilang tingog diin wala mahibaw-i kon kanus-a kini mahibalik. Ang Introvoys, sa kinatibuk-an, nakarekord og pito ka studio album, usa ka live album ug usa ka compilation album.

Ang Introvoys usa lang sa daghang banda sa dekada 90 nga nakakulit og malahutayong handomanan sa kinabuhi sa usa ka batan-on sa maong panahon. Nahitabo lang kini dihang gilusad nila ang ilang panganayng album nga “Back To The Roots” sa tuig 1990. Ang seminal album nilang “Breaking New Ground” sa tuig 1992 gikan sa MCA nakadughit og estadong quadruple platinum. Ug sa tuig 1993, ang kanta sa banda nga “Line To Heaven” nga mao usay ulohan sa album ang misemento sa ilang luna sa esena sa musika sa Pilipinas isip numero unong banda sa nasod sa maong panahon. Si Paco Arespacochaga maoy maisip nga labing impluwensiyal nga tambolista sa iyang henerasyon. Atoa na siya karon magbase sa California, U.S.A. sukad sa tuig 2001.

“That time, new acts were the big thing, like Paolo Santos,

Nyoy Volante, Nina and the like, and I feel that it was time to move on to a new place,” hinugid ni Enrico Luis Victor Santos Arespacochaga sa pribadong kinabuhi.

Iyang gihatagan ang iyang kaugalingon og kagawasan gikan sa Introvoys sa tuig 1996 ug human sa mubo nga sabatikal,

Ang Introvoys usa lang sa daghang banda sa dekada 90 nga nakakulit og malahutayong handomanan sa kinabuhi sa usa ka batan-on sa maong panahon.

giporma niya ang Mystery sa tuig 1997 ug Skin sa tuig 2000. Gani, aduna man siyay solo album sa tuig 2000 nga nag-ulohan og “Rebirth”. Sa usa ka mubo nga reyunyon sa tuig 2001, ang pipila ka membro minghapit ug mingbiya, apan sila nagpabilin nga managhigala ug magtinugtogay gihapon matag karon ug unya. Sa tuig 2004, si Jonathan Buencamino milangyaw usab sa Amerika.

“Tinuloy namin ‘yung banda, had a few materials and compiled it and conceptualized a new album ‘A Brighter Day’,” paghinumdom ni Paco. Kini human misumad nga pito ka tuig ang ilang labing ulahing album nga “Eroplano” ug maoy nagmarka sa paglalin sa banda gikan sa Pilipinas ngadto na sa Estados Unidos.

“I am very fortunate to have this opportunity to migrate here in U.S., because anytime I wanted to, I can visit the Philippines, Australia, UK, Dubai and appear on TV, book a gig or two, and come back here with my wife and kids,” matod ni Paco.

Sa tuig 2009, ang Introvoys naghimo og lain na usab nga pagsaksak sa pipila niini ka sakop ug, sa dakong kahikugang, gihatag na ni Paco ang trabaho sa tambolista ngadto kang

Tim De Ramos ug si Paco maoy miasumer sa posisyon isip labing bag-ong lead guitarist. Sa tuig 2014, ang Introvoys mipagawas og bag-ong single ug usa ka MTV aron pagsuportar sa album nga “Where We Left Off” ug ang single nga “Nasaan Ka”. Ang kasamtangang lineup sa banda naglakip nilang Vic Carpio, JJ Buencamino, Jonathan Buencamino ug Paco.

“Jobert is expected to reunite with us here in the U.S. anytime soon,” balita ni Paco.

Ang youtube channel ni Paco nga “Paco In The House” naghisgot labot sa musika, kinabuhi, ug pamilya. Sa usa ka video interview, si Paco gaan nga nanubag sa mga pangutana niining tagsulat ug mitanyag og dugang pa.

“My Vlog in YT comes from my everyday grind, my life mostly,” testimoniya ni Paco. “Dami ko na napagdaanan, dami ko failed relationships, I have this broad spectrum of first-hand experience and the inspiration comes with the humility of having my feet on the ground again and lived to tell about it. And this vlog is my way of giving back to many musicians, fans and friends,” matod ni Paco. “When not recording or touring I busy myself with this Marketing Company, that I myself put up, that does marketing for other companies, like, social media marketing, website development, produce concerts and develop the the career of artists,” pagpasabot ni Paco sa dihang gipangutana unsay iyang gikalingawan karong mga adlawa.

Sa dihang gipangutana kon giunsa pagdawat sa kasamtangang henerasyon sa musika sa Introvoys, miingon siya:

“That’s a good question,” ug miagik-is siya. “I thought we were done for. But just last year, AMFM, a FilAm Boy Band covered our song ‘Line To Heaven’, which is good. And a lovely lady called Sabrina covered our song ‘Di Na Ko Aasa Pa’. Both songs have extensive plays in Spotify and in YT as well. Fans are very receptive, especially with our new album. When fans come by our concerts, they would have in tow their teenage kids, and they would like our kind of music. Akala ko eh lipas na, pero hindi pa pala,” matod ni Paco. “Heaven, my son, has an album called ‘Mister Pool The Prophet’ which is also his moniker. He writes his own songs with a Rap-Hiphop genre. Of course, when Heaven asks for advise I would, but I don’t micromanage him,” matod ni Paco.

Ang Introvoys mao mismoy nagprodyus sa ilang mga pasundayag. Gidasig ni Paco ang ubang banda sa paghimo sa ingon. Niining paagiha, ang kasinatian mismo maoy makahatag og mga tambag, paagi, ug kaugalingong kaplag nga mga metodo aron magdugay sila sa industriya. —