Bisaya

Mirror Of Fortune

( ANG INYONG KAPALARAN SA AGOSTO 1-15, 2021)

- Ni Madam Gertrudes-Lee

SAGITTARIU­S – (Nobiyembre 22 – Disyembre 21) – Niining mga semanaha posibleng madawat na ang imong gipaabot nga benepisyo. Moduyog ang paborablen­g kahigayona­n sa imong pagpaningk­amot. Way makababag sa imong pag-asenso sa umaabot. Matagbawon ang romansa. Suwerte mong adlaw ang Martes ug palaran mong numero ang 8, 5, 1.

CAPRICORN – (Disyembre 22 – Enero 19) – Makabig ka sa maayong pagpasabot sa imong suod nga higala. Masugdan ang bag-o mong proyekto nga way kabilingga­n. Daghan kag matabangan nga way trabaho. Di mausab ang imong hukom. Exciting ang imong love affair. Lunes ang suwerte mong adlaw ug 7, 2, 9 ang palaran mong numero.

AQUARIUS – (Enero 20 – Pebrero 18) – Niining mga semanaha atubangon mo ang nataligam-ang mga trabaho. Unahon mo ang dinaliang kinahangla­non. Gamiton mo ang imong nakat-onan bahin sa multi-tasking. Magmanggih­atagon ka. Makapiyong kas talagsaong kalalim. Suwerte mong adlaw ang Biyernes ug palaran mong numero ang 4, 5, 3.

PISCES – (Pebrero 19 – Marso 20) – Dali mong masabtan ang gipanulti sa imong igsoon. Kinahangla­n nga molihok ka na dayon aron makabarog ka na sa imong kaugalingo­ng mga tiil. Dili ka magsalig sa imong panginahan­glan. Di ka makabaliba­d sa agni sa kidhat. Sabado ang suwerte mong adlaw ug 8, 1, 6 ang palaran mong numero.

ARIES – (Marso 21 – Abril 19) – Niining mga semanaha molahutay ka sa makuting trabaho. Lugwayan pa ang imong pasensiya ug kinahangla­n nga dupot kang makat-on og bag-ong trabaho. Dako na ang galastohan sa pagtungha sa imong mga anak. Mainit ang romansa. Suwerte mong adlaw ang Domingo ug palaran mong numero ang 9, 2, 1.

TAURUS – (Abril 20 – Mayo 20) – Makakitag solusyon sa giatubang mong problema. Kinahangla­n nga mangariba ka na daan sa dugang galastohan sa pamilya. Doblehon na ang imong kakugi. Di ka angayng maminaw sa mga tsismis. Patughan mo ang awhag sa kahidlaw. Huybes ang suwerte mong adlaw ug 7, 5, 3 ang palaran mong numero.

GEMINI – (Mayo 21 – Hunyo 20) – Niining mga semanaha daghan ang makamatiko­d sa lahing awra sa imong personalid­ad karon. Madasigon kang moapil sa mga kalihokan sa simbahan. Dako ang posibilida­d nga mahinayon ka sa abroad. Kusog ang imong sex appeal. Suwerte mong adlaw ang Martes ug palaran mong numero ang 9, 8, 6.

CANCER – (Hunyo 21 – Hulyo 22) – Balibaran mo ang pabor nga ihatag diha kanimo. Di ka gustong makautang og kabubuton. Magmatunha­yon ang dagan sa imong panginabuh­i. Magpabilin kang ligdong sa imong binuhatan. Mabulokon ang imong kinabuhing sekswal. Miyerkoles ang suwerte mong adlaw ug 6, 8, 4 ang palaran mong numero.

LEO – (Hulyo 23 – Agosto 22) – Niining semanaha daghang mosuporta sa imong gipakitang lig-on nga baroganan. Di ka mapiog bisag mameligro ang imong kinabuhi basta prinsipyo na ang hisgotan. Kanunay kang mag-ampo. Pahinuntan mo ang awhag sa kamingaw. Suwerte mong adlaw ang Biyernes ug palaran mong numero ang 2, 9, 7.

VIRGO – (Agosto 23 – Septiyembr­e 22) – Mahimong talamdon ang imong mga pahayag tungod sa gipakita mong kaligdong. Ipadayon ang maayo mong ehemplo. Magmasanag­on ang imong umaabot. Pihong mahimo kang lider sa inyong komunidad. Magpabilin­g mainiton ang romansa. Sabado ang suwerte mong adlaw ug 2, 6, 8 ang palaran mong numero.

LIBRA – (Septiyembr­e 23 – Oktubre 22) – Niining mga semanaha motambayay­ong ka sa kalihokang pangkomuni­dad. Daghan kag ikatabang nga magmauswag­on ang inyong lugar. Motambong kag pasinati nga makadugang sa imong kahibalo. Masum-ok kag talagsaong abentura sa gugma. Suwerte mong adlaw ang Huybes ug palaran mong numero ang 5, 4, 6.

SCORPIO – (Oktubre 23 – Nobiyembre 21) – Mahimong salabtonon ang isulti sa imong igsoon. Hinuktokan mo kinig maayo. Magmalampo­son ka kon sundon mo ang iyang itambag kanimo. Angay lang nga dupot kang magtuon sa imong mga leksiyon. Tugbangan mo ang agni sa kahidlaw. Domingo ang suwerte mong adlaw ug 6, 3, 2 ang palaran mong numero.

“Nabuntog mo ang labing maayong laki ning puloa,” matod sa prinsesa. “Ug karon, pilia ang imong ganti sa mga babaye niining pundok.

Gilukop og tan-aw ni Mapintas ang kababayen-an nga naglibot kaniya kansang mga dagway puno sa matam-is nga pahiyom, unya miingon: “Ang mahal nga prinsesa ang akong napilian.”

Apan ang uyoan ni Maamyon mitindog ug mitubag: “Dili mahimo! Ang prinsesa walay labot sa mga babaye nga gipapilian kanimo.”

“Apan ang prinsesa ang akong gihigugma.” Miyukbo siya sa prinsesa ug namulong. “Gisulti ko ang tinuod, mahal nga prinsesa. Kon wala ko man ugaling kadto, pasayloa ako. Unya mitalikod siya sa pundok ug mipadulong sa kangitngit.

NATULOG na ang Maimbong. Ang kinaiyahan walay timik. Gikan sa baybayon milanog ang usa ka awit sa paghalad— sa katahom ni Maamyon nga gipanangli­t sa banagbanag.

Samtang sa iyang lawak sa panting nga nagadung-aw sa subangang dagat, si Maamyon namati, ang mga pulong nga gilitok sa awit mituhop sa iyang dughan.

Sayo sa buntag, nanaog siya ug mipaingon sa baybayon. Nakita niya si Mapintas nga nagalingko­d sa iyang sakayan ug naghinan-aw sa mga balod nga mohalok sa baybayon.

“Wala pa ba molusad ang mangingisd­a?” matod ni Maamyon nga nagpahiyom.

Si Mapintas nahalingi.

“Unsaon mo pagdakop sa isda,” padayon ni Maamyon nga mitan-aw sa luwang sa sakayan. “Wala kay sapang ug pana.”

“Dili ako tinuod nga mangingisd­a. Anak ako ni Datu Bansal sa pulo sa Lamatan. Gikasubo ko ang akong pagpamakak kagabii.” “Datu Bansal?”

“Nakaila ikaw sa akong amahan?”

“Wala ako makakita bisan sa iyang anino. Ang akong amahan, si Datu Udyong, sa buhi pa nagpahimat­ngon kanako nga dili magbaton og pagsalig sa mga tawo sa Lamatan nga mahitakas dinhi.”

“Amahan mo diay si Datu Udyong?”

“Nakaila ka diay kaniya?”

“Wala ko siya makita bisan sa damgo. Siya ang nagpatay sa akong apohan ug kaaway sa akong amahan.”

Didtoy kasiga sa mga mata ni Maamyon apan wala kini makita ni Mapintas kay giduko niya ang iyang nawong, unya pinaagi sa kumagko sa iyang tiil gisulat sa bunbon ang iyang tubag kang Maamyon.

MIAGI na ang subangon, wala gihapon mahiuli si Mapintas sa iyang pulo. Si Datu Bansal nahingawa na sa gidangatan sa iyang anak.

Hangtod usa ka buntag, ang mga mulupyo sa Lamatan nagubot. Nakita nila ang panon sa sakayan nga nagpadulon­g sa ilang pulo. Ang mga bangkaw ug kampilan giandam. Sa kasagbotan ug sa punoan sa mga lubi didto na ang mga sakop ni Datu Bansal.

Sa nag-inusarang sakayan nga midunggo mikawas si Mapintas uban kang Maamyon. Gisugat sila ni Datu Bansal og mga sakop nga nangalipay sa paghibalik ni Mapintas.

“Amahan ko,” namulong si Mapintas, “ipaila ko kanimo ang akong asawa. Siya ang anak ni Datu Udyong nga patay na.”

Wala makatingog si Datu Bansal. Giitlib lamang niya ang iyang ngabil. Unya milakaw siya ug misunod si Mapintas ug Maamyon padulong sa panting. (KATAPOSAN)

Sa usa ka kampeyonat­o sa PBA, nakita ni Rogelio si Raymond nga naglingkod nga nag-inusara. Pero nahibulong siya kay aduna may bakante nga silya sa tapad niini…

Rogelio: Pre, naa man diay ka diri nga nag-inusara. Walay naglingkod dinhi sa tupad nimo?

Raymond: Wala, Pre. Mingpalit man god mi sa asawa nako og tagsa ka ticket, pero namatay man god siya maong way naglingkod dinhi sa tupad nako.

Rogelio: Pahasubo, Pre. Walay gyod kay laing makauban diay? Paryente ba o higala?

Raymond: Wala lagi, Pre, kay tua man silang tanan sa menteryo kay karon ang lubong sa akong asawa.

ANTHONY LOCSIN Davao City

 ??  ??
 ??  ??
 ??  ??
 ??  ??
 ??  ??
 ??  ??
 ??  ??
 ??  ??
 ??  ??
 ??  ??
 ??  ??
 ??  ??
 ??  ??

Newspapers in Cebuano

Newspapers from Philippines