DILI NA KAMAO

Nagkapuliki ang mangkay nga maestra nga si Ma’m Carmela sa kadaghan sa gibitbit nga libro ug mga teaching aid. Mao nga nagkalisod siya og abri sa pultahan sa faculty lounge. Dihang nakasulod na, pinabusdak niyang gibutang sa lamesa ang mga dala, ug hait kaayog tinan-awan nga gitutokan ang pipila ka maestro nga dinha sa sulod.

Ma’m Carmela (pinakusog ang tingog): Hay, pastilan, lahi na gyod ang panahon karon ba! Ang mga lalaki karon, ambot na lang! Dili na kamao moabrig pultahan!

Sir Monching (miyanghag gikan sa iyang gibasa): Saba diha, Ma’m, uy. Pataka ra man kag estorya. Giunsa man kuno namog sulod dinhi kon dili pa mi kamao moabri sa pultahan, bi?

ERIC S.B. LIBRE Davao del Sur