( ANG INYONG KAPALARAN SA AGOSTO 16-31, 2021)
SAGITTARIUS – (Nobiyembre 22 – Disyembre 21) – May motanyag kanimog ekstrang trabaho. Di mo palabyon ang maong kahigayonan kay nanginahanglan kag dugang income. Modako na ang umaabot nga galastohan. Kinahanglan nga makamao ka nang magbadyet. Dugosnon ang salohang romansa. Biyernes ang suwerte mong adlaw ug 8, 7, 3 ang palaran mong numero.
CAPRICORN – (Disyembre 22 – Enero 19) – Niining mga semanaha mawala na ang panakit sa imong lawas. Sunda lang ang mga pahimangno sa doktor. Ipadayon ang regular mong pagehersisyo. Kinahanglan nga undangon na gayod ang imong mga bisyo. Madani kas pahiyom. Suwerte mong adlaw ang Domingo ug palaran mong numero ang 2, 4, 6.
AQUARIUS – (Enero 20 – Pebrero 18) – Makadawat kag makapaukyab nga balita. Makakuwarta ka sa bag-o mong proyekto. Mohatag kag hinabang sa imong igsoon nga nagkalisod-lisod. Dako kag ikatabang nga masulbad ang kaguliyang sa pamilya. Kusog kag sex appeal. Sabado ang suwerte mong adlaw ug 7, 3, 8 ang palaran mong numero.
PISCES – (Pebrero 19 – Marso 20) – Niining mga semanaha may praktikal kang solusyon sa giatubang mong problema. Paborable ang kahigayonan alang kanimo nunot sa imong madupotong kakugi. Hapsay ang dagan sa imong pamuyo. Pahinuntan mo ang gusto sa imong kapikas. Suwerte mong adlaw ang Huybes ug palaran mong numero ang 5, 6, 4.
ARIES – (Marso 21 – Abril 19) – Naghingapin ang imong tinguha nga magmalamposon ka sa umaabot. Di makawang ang imong pangandoy basta nuntan sa imong pagpanglimbasog. Walay mosupak sa imong ipakanaog nga desisyon. Makahibalag kag binuhat nga mounong kanimo. Biyernes ang suwerte mong adlaw ug 6, 9, 3 ang palaran mong numero.
TAURUS – (Abril 20 – Mayo 20) – Niining mga semanaha lagmit nga ituboy kang lider sa giapilan mong asosasyon. Daghan ang makauyon sa maayo mong mga diskarte. Dako kag ikatabang nga maugmad ang inyong komunidad. Mogamit kag baryasyon sa dula sa kama. Suwerte mong adlaw ang Martes ug palaran mong numero ang 3, 7, 8.
GEMINI – (Mayo 21 – Hunyo 20) – Daghan ang makagusto sa bag-o mong disenyo. Mokusog ang order sa imong mga kostumer. May mohatag og pabor kanimo apan ayaw tagda kay basig masulod ka sa laang. Ayaw kalimot sa pag-ampo. Maanod kas maagnihong parayeg. Lunes ang suwerte mong adlaw ug 9, 6, 2 ang palaran mong numero.
CANCER – (Hunyo 21 – Hulyo 22) – Niining mga semanaha angayng molikay ka sa panaglalis. Mas maayo nga magpakahilom ka na lang kaysa maapil ka sa kontrobersiya. Itingob na lang ang imong panahon sa pag-asikaso sa pamilya. Di mo malimtan ang kagilok sa hagwaay. Suwerte mong adlaw ang Lunes ug palaran mong numero ang 4, 7, 3.
LEO – (Hulyo 23 – Agosto 22) – Mogamit kag diplomasya sa pagpanton sa imong kamanghoran. Magdahan ang iyang kabilyako tungod sa paglaban sa iyang amahan kon imong badlongon. Kinahanglang maputol ang iyang hiwing batasan. Makapiyong ka sa tumang kalami. Miyerkoles ang suwerte mong adlaw ug 2, 9, 5 ang palaran mong numero.
VIRGO – (Agosto 23 – Septiyembre 22) – Niining mga semanaha magmabungahon ang imong pagpanglimbasog. Di makawang ang imong gipangandoy nga moasenso ang inyong kahimtang. Doblehon gayod ang imong pangaresgar. Magampo gayod kanunay. Makawiwili ang salohang romansa. Suwerte mong adlaw ang Huybes ug palaran mong numero ang 5, 6, 2.
LIBRA – (Septiyembre 23 – Oktubre 22) – Maghingapin ang imong kalipay inigkadawat sa abiso nga mahinayon kang makatrabaho sa abroad. Segurado nga masulbad na ang imong sulirang pinansiyal. Ayaw kalimot sa pagdonar sa simbahan agig pasalamat. Kusog ang imong karisma. Sabado ang imong suwerte nga adlaw ug 6, 3, 1 ang palaran mong numero.
SCORPIO – (Oktubre 23 – Nobiyembre 21) – Niining mga semanaha makalingkawas ka na sa imong obligasyon. Kinahanglan nga makamao ka nang magbahin-bahin sa imong panahon. Biyaan mo na gayod ang imong mga bisyo aron matingob ang imong panahon sa trabaho. Mainit ang romansa. Suwerte mong adlaw ang Martes ug palaran mong numero ang 4, 1, 9.