Mirror Of Fortune

( ANG INYONG KAPALARAN SA SEPTIYEMBRE 1-15, 2021)

SAGITTARIUS – (Nobiyembre 22 – Disyembre 21) – Kinahanglan nga magmatinud-anon ka sa imong gisaad. Dako ang pagtahod sa imong manghod kanimo. Magpakita kag maayong ehemplo ngadtos imong mga igsoon. Magmalipayon ang imong kinabuhi. Mohangos ka inig-abot sa pungkay sa himaya. Sabado ang suwerte mong adlaw ug 1, 7, 6 ang palaran mong numero.

CAPRICORN – (Disyembre 22 – Enero 19) – Niining mga semanaha may obra kang sulaton nga mahimong klasiko sa umaabot nga panahon. Hatagan mog prayoridad ang espiritwal nga aspeto sa kinabuhi. Usbon mo na ang hiwing batasan. Bation kag kalagsik human sa dula sa kama. Suwerte mong adlaw ang Domingo ug palaran mong numero ang 5, 4, 3.

AQUARIUS – (Enero 20 – Pebrero 18) – Dugangan ang imong kakugi kon gusto kang makab-ot ang imong gipangandoy. Daghan kag makat-onan kon dupot kang magtuon. Mabaid og maayo ang imong salabotan. Dunggon na ang imong pag-ampo. Makapahigalam ang romansa. Biyernes ang suwerte mong adlaw ug 4, 2, 8 ang palaran mong numero.

PISCES – (Pebrero 19 – Marso 20) – Niining mga semanaha mopatigbabaw ang imong kadasig sa pagtrabaho. Daghan kang matapos nga trabahoon. Mogahin ka gihapog panahon sa simbahan bisan sa kasako sa imong gimbuhaton. Bation kag talagsaong katagbaw sa romansa. Suwerte mong adlaw ang Huybes ug palaran mong numero ang 6, 5, 3.

ARIES – (Marso 21 – Abril 19) – Malaomon kang magmalamposon ang gisugdan mong adbokasya. Daghan ang mohugop niini. Apan pagmatngon kay adunay masibot sa imong maayong tinguha. Ayaw kalimot sa pagpangaliya sa Kahitas-an. Makawiwili ang salohang romansa. Sabado ang suwerte mong adlaw ug 8, 7, 2 ang palaran mong numero.

TAURUS – (Abril 20 – Mayo 20) – Niining mga semanaha mahupay na ang kaul-ol sa imong kalawasan. Kinahanglan nga nagrelaks ka lang. Ayaw pagpadala sa stress kay makahatag kinig sakit. Sangpit kanunay sa Ginoo aron hatagan kag grasya. Kusog ang imong karisma. Suwerte mong adlaw ang Martes ug palaran mong numero ang 1, 6, 5.

GEMINI – (Mayo 21 – Hunyo 20) – Makakita kag solusyon sa nakapahasol nga problema. Daghan ang moorder sa bag-o mong mga tinda. Magmadasigon kang mag-asikaso sa imong negosyo. Magmalipayon ang dagan sa imong pamuyo. Makigdungan ka pagtungas sa pungkay sa himaya. Lunes ang suwerte mong adlaw ug 2, 3, 6 ang palaran mong numero.

CANCER – (Hunyo 21 – Hulyo 22) – Niining mga semanaha lagmit may mobutho sa pagbisita kanimo nga magdala og maayong balita. Matuman na ang dugay na nimong gipangandoy. Mokuyog ka sa pagsangyaw sa Maayong Balita. Maganoy ka sa parayeg hangtod sa kama. Suwerte mong adlaw ang Domingo ug palaran mong numero ang 5, 4, 7.

LEO – (Hulyo 23 – Agosto 22) – Hugot na ang desisyon nga motrabaho ka sa abroad. Kinahanglan makombensir mog maayo ang imong kapikas. Angayng mangandam ka na kay modako na ang imong galastohan kay magkolehiyo na ang imong mga anak. Mainit ang romansa. Martes ang suwerte mong adlaw ug 3, 8, 6 ang palaran mong numero.

VIRGO – (Agosto 23 – Septiyembre 22) – Niining mga semanaha masabtan mo ang pagpakahilom sa imong manghod. Aduna siyay gipangluoran kanimo. Nasayod ka na kon unsaon mo siya pagpaayom. Di mo siya angayng pasagdan. Magampo kanunay. Ikapahungaw na ang gitipigang pagbati. Suwerte mong adlaw ang Lunes ug palaran mong numero ang 7, 3, 4.

LIBRA – (Septiyembre 23 – Oktubre 22) – Lugwayan mo pa ang imong pasensiya sa pagsabot sa suod mong higala. Mag-atubang siyag dakong problema. Ikuyog mo siya sa tambongan mong prayer meeting. Way makababag sa imong gipangandoy sa kinabuhi. Makapiyong ka sa kalalim. Huybes ang suwerte mong adlaw ug 2, 9, 1 ang palaran mong numero.

SCORPIO – (Oktubre 23 – Nobiyembre 21) – Niining mga semanaha matapos na ang imong proyekto sa di pa moabot ang dedlayn. Dako kag ikatabang nga masulbad ang problema nga giatubang sa imong pamilya. Makombinser mo ang imong igsoon. Tugbangan sa kalalim ang kahinam. Suwerte mong adlaw ang Miyerkoles ug palaran mong numero ang 8, 2, 5.