Sama Sa Amahan, Sama Sa Anak: Tonie Ug Bijei Bufete

KON dili pa tungod sa paningkamot ug pagpursiger ug ingon man tinguha sa paghimog bag-ong tingog sa gitara sa sayong bahin sa katuigan sa 1940, dili unta kita masayod sa atong kasamtangan nga mga bayani sa gitara ug mga ginoo sa gitara, sa laktod nga pagkasulti. Si Tonie Bufete maoy usa sa mga disipulo sa natad sa musikang folk ug rock sa nasod, atol sa pagsugod niini sa mga katuigan sa 1970.

“My inclination in music came from my mother and her siblings. They are really good singers,” deklarar ni Tonie.

Nahimugso sa Manila, ang iyang amahan nagtrabaho sa Esso sa Pandacan kaniadto sa dihang may gitanyag nga mga lote sa dapit sa Balagtas. Ang iyang panaw sa musika nagsugod sa dihang diha pa siya sa elementarya. Andam siyang motanyag og usa o duha ka awit kon adunay programa sa tulunghaan. Kasagaran niyang kantahon mao ang “My Prayer” ug “Twilight Time” nga awit sa grupong The Platters.

“When the Association and Zombies songs flooded Manila airwaves i started to learn the guitar courtesy of my cousin Francis Albaniel who I joined my first taste of Japan in 1969 to 1970. I was only 15 years old then so my Father had to sign a parental consent for me to be able to travel,” paghandom ni Tonie kalabot sa iyang unang gig.

Balik sa nasod, human sa iyang daklit nga panimpalad sa Japan, naporma ang The Acid Band. Ang orihinal nga mga sakop mao sila si Ricky Frias sa perkusyon, Cesar Frias sa tambol, Willie Pineda sa keyboards, Tammy Marasigan sa baho, ug Tonie sa lead guitar. Nahimo silang regular nga manunugtog matag Sabado sa “Stop, Look and Listen” sa ABS CBN nga gidumala nila ni Jeanne Young ug Ricky Belmonte.

Aktibo ang The Acid Band sukad sa 1970 hangtod sa 1972. Gitanyagan silag regular nga gig sa Flames nga buyon sa Roxas Boulevard. Apan tungod kay nagpadayon pa man siya sa pagtungha dugang pa nga si Ricky Frias ug ang pamilya niini minglangyaw sa Guam sa tunga-tungang bahin sa dekada 70, ang banda nabungkag. Apan sa tuig 1978 si Tonie Bufete nagporma og usa ka klasikal nga folk rock trio nga gitawag niya og “TNJ”. TNJ (ala-CSNY sa Crosby, Still, Nash & Young) nga nagpasabot sa acronym sa mga ngalan sa mga sakop trio nga sila si Tonie Bufete, Noli Aurillo ug Joey Montilla.

“Folk houses were in bloom that time; Bodega, Hobbit House,

Kola House, Spindle, International Pub, Shakey’s, Bachus, My Fathers Moustache to name a few of the places, are some of the watering holes we have performed to,” matod ni Tonie. Ang maong trio mitokar usab sa pipila ka programa sa telebisyon nila ni Nora Aunor, German Moreno ug uban pang popular nga mga pasundayag sa telebisyon sa maong panahon.

“Freddie Aguilar’s ‘Anak’ was enjoying a humongous following. Asin & Sino Band had just released their initial singles, respectively, when TNJ were also offered to record our original compositions, “Ang Mundo” & “Kapalaran”. But the trio disbanded abruptly. Everyone was in disbelief when suddenly we have to part ways in the peak of our popularity,” paghandom ni Tonie.

“Wala eh, hindi para sa amin ‘yun time na ‘yun.”

Human niining maong pagkaputol sa karera, si Tonie naggahin sa iyang panahon sa pagpanimpalad sa lainlaing patigayon nga kasagaran konektado gihapon sa live entertainment. May higayon nga nanag-iya siya klab sa Manila nga nagpasundayag og live music. Nagkalingaw siyag lain pang mga negosyo, apan sa pagbuhat niya niini, ang iyang pagka disipulo sa musika nagpabilin nga nagbaton og tinguha sa pagtugtog nga live alang sa ikahimuot sa ubang tawo.

Paabante sa kasamtangang panahon diin paspas kaayo ang paagi sa kinabuhi, si Tonie ug ang uban pang sakop sa The Acid Band mingbalik og tagbo-tagbo, ug mihangop sa ilang unang gugma— ang paggama og musika.

Kining tagsulat nakabaton og kahigayonan nga makatan-aw kang Tonie ug mismo sa The Acid Band nga mingtokar sa daghang higayon, ug tuohi ko, walay laay ang mga yugto kon angkonon na nila ang tablado ug motokar og mga cover sa mga musika ni Santana ug uban pang psychedelic songs. Ang PCR (Pinoy Classic Rock— usa ka grupo sa mga musikero nga gitapok ni Ben Yanto) nagsilbing behikulo sa pagbalik alang kang Tonie ug sa uban pang mga sakop sa The Acid Band sa pagpasundayag sa ilang matang sa musika. Usa ka tinuig nga okasyon nga mahitabo matag Enero sukad niadtong 2002, ang PCR nagpasundayag kasagaran sa mga henyo sa musika sa mga dekada 50 ngadto sa dekada 90 ug wala magpakita og mga timailhan nga mohinay sa haduol nga umaabot. Apan sa unang higayon sa dul-an duha ka dekada, ang PCR temporaryong mihunong sa tanang live musical performance tungod niining naghingusog nga pandemya.

Karong mga panahona, ang pagka magtatagik og awit ug malamposong magtutugtog sa gitara nga adunay kurso sa musika dili ingon kasayon sama sa gidahom.

“It started when I was just a little girl, my dad, Tonie Bufete of the TNJ fame (in the 70’s), would always play on our record player albums of The Beatles, Santana and Queen everyday of the week. I took up voice lessons early on and picked up the guitar. I discovered my love for songwriting as well,” asoy ni Barbara.

Samtang nagdako sa Manila ug Parañaque, si Barbara dili lang maoy nahimong musikera sa panimalayng Bufete, kondili lakip na usab ang uban pa niyang mga igsoon.

“My two brothers play the guitar and the other plays the piano. Then my eldest sister plays piano and sings as well,” matod ni Barbara.

Si Bijei, nga maoy tawag kaniya sa iyang mga higala ug kabanay, nagsugod sa pagtagik og kanta sa dihang siya diha pa lang sa ikalimang grado. Ug human sa hayskol, nasayod na siya unsay iyang kuhaon aron pagduso pa sa iyang pasyon sa musika. Mimatrikula siya sa Konserbatoryo sa Musika sa St. Scholasticas College ug nag- major og Voice. Sa ngadto-ngadto, mitrabaho siya sa industriya sa musika ug nalambigit sa pagpanudlo sa musika.

“I had worked at Music Master as a Voice Teacher, owned by Jimmy Antiporda of the Neo Colours fame,” paghanduraw ni Barbara. Sa kasamtangan usa siya ka magtutudlo sa Pagkanta sa ‘School Of Rock’, usa ka prangkisa sa U.S. nga adunay sanga dinhi sa ato.

Nakatagik siya ug nakaperform og usa ka komersiyal nga jingle alang sa Bambini Cologne ug nakatagik ug nakaperform og mga kanta sa duha ka pelikula nga mao ang “My Valentine Girls” gikan sa Viva ug “RPG Metanoia” alang sa Star Cinema. Ang iyang kataposang obra mao ang alang kang Kylie Padilla diin siya nagtagik og kanta alang niini. Usab, nahatagan siya og kahigayonan nga makatagik og duha ka kanta alang kang Julie Anne San Jose.

“I wrote ‘Bakit Ngayon’ last 2014, and luckily, it was nominated for ‘Song of the Year’ at Awit Awards and Yahoo Awards, fortunately the song won at Yahoo Awards,” paghandom ni Bijei.

Ang mga tawo kasagaran mohingalan kaniyag “Michelle Branch of OPM” tungod sa pagkasusama niya sa naasoyng mag-aawit: sa hitsura man o sa tingog. Kining maong mapaubsanon ug batan-on-og-hitsurang inahan sa duha ka batang lalaki moedad nag katloan ug lima karong umaabot Abril. Apan wala siya magtagad sa iyang pangedaron.

“I get that a lot, one grandma of my student thought I was only 19 years old,” matod pa ni Barbara nga usa usab ka nagbansay-bansay nga minimalista.

Ug ang iyang ikasulti kang Tonie Bufete isip usa ka amahan:

“He was my greatest musical influence. A very cool dad. My mom and him would encourage me to pursue my interest in music. And they would attend our band Persephone perform almost always,” matod ni Bijei.

Sa Persephone, mokanta siya, mosuwat og kanta ug motugtog pa gyod sa gitara. Aduna silay duha ka digital albums sa Spotify ug iTunes ilawom sa GMA Records. Busa pangitaa si Barbara Jeanne ug ang iyang banda nga Persephone ug sinatia ang iyang musika.

(Post Script: Sa personal nga kasinatian, si Tonie suod kaayo nga higala. Labihan kaayo kamapaubsanon ug kasagaran nga makighinabi ni bisan kinsa, bisan kadtong wala niya mailhi.

Maong imposible nga dili magustohan ang iyang kinaiya. Aduna siyay presensiya nga masilakon, ug ingon sa makita nimo siyang magsul-ob og halo ibabaw sa iyang ulo. Mahigugmaon siya sa musika ug pagkaon, ilabi na kon ang pagkaon adunay nag-apawapaw nga panaksan dinugoan. Ang iyang duha ka anak nga babaye mingsunod sa iyang mga tunob sa industriya sa musika, ug nakahimog ngalan sa ilang kaugalingon. Naglaom kami nga mas makita ka pa nako, Tonie, sa umaabot nga mga adlaw kon posible na ang buhing musika.) —

Karong mga panahona, ang pagka magtatagik og awit ug malamposong magtutugtog sa gitara nga adunay kurso sa musika dili ingon kasayon sama sa gidahom.