Duha Ka Bag-ong Watering Hole Alang Sa Rakenrol

SA wala pa magsugod ang pandemya sa miaging 2020, duha ka watering hole gikan sa managsilingang mga dakbayan sa Cavite ug Imus ug Bacoor (nagsawo kini silag mga utlanan) ang naglungtad na ug maoy nahimong hunan ug panimalay sa pipila ka nag-unang recording artist ug popular nga akto sa nasod.

Ang mga Kabitenyo lang ang makasabot sa ilang isigkaingon kon maoy estoryahan ang kalabot sa blues o kaha sa rock. Kining maong hunan ug watering hole sa kasingkasing sa Lalawigan sa Cavite mipataas lang og gamay niining maong hilisgotan.

Ang tag-iya niining maong establisamento si, Katherine Vinson, mipasabot nga ang ideya nahimugso tungod sa iyang pagka benefactor, usa niana ka higayon, sa banda nga Groundstage PH.

“The area where this is located is actually a rehearsal studio for the band,” pagpadayag ni Katherine. Ang mga panghitabo wala kaayo mopasig-uyon sa banda ug natanggong sa iyang lugar ang daghan kaayong instrumento. Busa, ang iyang kaalayon sa patigayon ug kinabuhi, si Jad Alipar, mikadlit sa ideya nga maoy nagtukmod sa usa panghitabo ngadto sa lain na usab nga panghitabo.

Si Katherine nga usa ka bantogan nga pilantropo ug makitawhanon sa Cavite, miangkon nga dili gayod siya lumadnon nga Kabitenya by birth.

“My hometown is actually in Bacolod...but I also lived in Taysan, Batangas...and also Ilo-ilo. The resiliency and upfront attitude of a Caviteña has grown into me and has adopted it ever since I moved here a decade ago,” matod ni Katherine.

Ang dapit anaa mahimutang sa 2nd floor 9083B, Gen. Tirona Highway, Dulong Bayan, Bacoor, Cavite, ug nangabli sa iyang pultahan kaniadtong Disyembre 18, 2019. Dungan sa pag-abli niini mao ang pagtokar sa Grin Department nga maoy nag

unang atraksiyon uban sa daghan pang musikero. Ang pipila ka banda nga mingtugtog sa bar ni Katherine mao si Anthony Romasanta uban sa iyang banda nga Trankill, mga banda nga Katoliko Band, Kid, Papel, Kyah, Dwayne PH, Kemisthree. Ang maong event gidumala sa youtube phenomenon, ang Batanguena nga si Kimberly Dianne Vinson Ilag, nga anak ra usab ni Katherine.

Siyempre, lisod baya sab iphon ang mga bar ug music hub libot ug kasikbit sa Cavite. Busa, unsa bay nakalahi niining iyang lugar?

“First is the ambiance. Veintidos, will serve home-cooked meals (apil sa ganahan kaayo mao si Mike Hanopol nga ampay kaayo ang iyang kare-kare usa ka higayon niana nga nagkatagbo sila) and then a few of my own recipes which my family has been savoring as a matriarch. Second is the hospitality, I can actually call it a ‘community bar’ due to its coziness and accessibility to nearby villages within the area,” pasigarbo ni Katherine.

Ang iyang lugar nga nagpasigarbo sa 150 kapin ka lingkoranan nga establisamento mapasigarbohon sa top of the line niini nga sound system ug gamayng bantawan alang sa dinapit nga mga magpapasundayag.

“Since the pandemic, we have suspended the operation of the bar. Well, I have been through much more difficult situations in my life before and having jitters in this new venture of mine is nothing compared where I have been through,” pamahayag ni Katherine.

Ang bar nag-alagad sulod pa lamang sa lima ka bulan.

Ug ang ngalan nga Veintidos (22) adunay mahinungdanong kahulogan sa iyang personal nga kinabuhi. Ang pulong nga “barik” sa Batangas nga pinulongan nagpasabot og tagay.

Brute. Brash. Brawny. Kining mga pulonga ang kasagaran nimong paagi sa paghulagway sa imong naandang tambayanan nga bar. Apan sa Imus, Cavite, ang The Junkyard Bar nahilahi kaayo kaysa naandan o kaswal nga mga bar.

Gihimugso isip community bar sa miaging 2013 nila ni

Thor Ilano ug Leo Blanco, kining maong mga lumad gyod nga Kabitenyo gikan sa Imus, mga tag-iya ug managtambayayong, managsamang napul-an na sa ilang naandang trabaho nga mosulod ug alas 9:00 ug mogawas og alas 5:00, angay nang mangitag paagi nga mahuswa sa labihang stress ug sa samang higayon makasaulog sa ilang gugma sa musikang rakenrol.

“There isn’t any establishment in Cavite that showcases the concept of a Bar to our taste of music and ambiance, so we tailormade one right in the heart of our neighborhood,” pamahayag ni Thor.

Ang bag-ong nahimutangan niini anaa sa sa Nueno Avenue sa Imus, gihimugso nga modawat og espesyal nga mga okasyon sama sa mga party, anibersaryo, ug susamang kalihokan. Giesplikar ni Thor nga ang maong bar dili sama sa kasagaram, nga abli sa matag gabii. Si Jeric Aquino nga gikan sa sikat nga Madfish sa mga dekada 90 mibunyag sa bar og The Junkyard.

“If companies, organizations, groups would want to utilize

Junkyard for their private parties, fundraising event, or just plain enjoy the night with friends with good music and food, The Junkyard Rock & Blues Bar is the place for you,” dugang ni Leo Blanco, ang laing tag-iya ug tagdumala sa The Junkyard.

Elegante ang maong lugar. Apan ayaw lang tuohi ang akong pulong hangtod nga ikaw maduaw ug makasuroy sa maong lugar aron paghingpit sa imong kasinatian. Ang pag-adto didto sama ra nga anaa ka sa imong kaugalingong panimalay naglulinghayaw. Ang The Junkyard nga adunay 200-seater bar gialagaran sa mahigalaong mga staff, init ang mga pagkaon gawas nga kini lamian kaayo, ug tawhay ang pamatyag sa palibot. Ang bar mismo giadornohan og mga handomanan sa mga dekada 70 ug 80 nga maayong pagkahan-ay sa ibabaw. Ang maong mga handomanan naglakip sa VHS tapes, karaang mga gitara, trombone, mga plaka, cassette tapes, uniporme sa sundalo o unsa pa diha nga makaingon tang karaan— mga butang nga makit-an mo na lang tingali sa Google ug dili na gyod nimo mahimamat sa inadlawng paglibod-suroy.

“Safe dito, mga pare, secure ang place at walang hassle,” deklarar ni Thor.

Wala kita makapiho kon unsay ipasabot niana. Apan sa dihang kining inyong ubos nga alagad, human makabisita usa ka higayon, nahabilin ang Levi’s Trucker Jacket sa pansayan sa bar. Sa paghunahuna nga kini mawala na sa dayon, atong gipadadan og mensahe si Thor labot niini ug nanaghap siya nga basin adunay nakahipos niini. Pagkahapon nianang adlawa, ang akong diyaket gihatod kanako didto mismo sa akong gitrabahoan uban sa paningkamot ni Thor. Ingon niana kaluwas ang The Junkyard.

Ang The Junkyard Rock and Blues Bar nahimong hunan sa ubay-ubay nga mga recording artist sa esena sa musika sama pananglit ning mosunod: Resty Fabunan ug Maria Cafra,

Dong Abay, Gary Perez, Jograd dela Torre, Heber Bartolome ug Banyuhay, Wally Gonzalez, Maegan Aguilar, Razorback,

The Youth, Slapshock, Grin Department, The Chongkeys, sa paghingalan lang og pipila.

Sa miaging Disyembre 21, 2019, sila si Pepe Smith ug Mike Hanopol minglingaw sa mga patron sa bar pinaagi sa Familia Musikeros Christmas Party Jam. Ang hut-ong sa beterano na ug bag-ohanon pang mga banda ang nagpasundayag sa maong gabii. Kini mao ang maisip nga labing uwahing nailhang pasundayag ni Pepe Smith kay sa misunod nga buwan, miyukbo siya sa atake sa kasingkasing ug wala na makarekober.

Sa dakong kasubo, kining duha ka establisamento wala pa gihapon mag-alagad sa iyang mga patron sukad pa sa Abril 2020 tungod sa pandemya nga linugdangan sa COVID-19. Niining mga adlawa, ang buhing pasundayag pinaagi sa facebook live mao ang gigamit sa pipila ka alagad sa arte aron makaabot sa ilang mga tigpaminaw. Apan ato gihapong gipaabot ang subling pag-abli niining maong mga bar ug mobisita sa ilang mga gabii inighuman niining pademya nga atong nasinati karon. —

Ang iyang lugar nga nagpasigarbo sa 150 kapin ka lingkoranan nga establisamento mapasigarbohon sa top of the line niini nga sound system ug gamayng bantawan alang sa dinapit nga mga magpapasundayag.