KABAW DIAY

Sayo sa buntag, nakit-an ni Ensot ang iyang Lolo Carpo nga nagtuk-ong ug ingon sa dunay lawom nga gihunahuna…

Ensot: Lo, unsa man nang imong gihinuktokan nga morag seryoso man gyod ka kaayo?

Lolo Carpo: Ensot, nakadungog ka na ba anang panultihon nga kabaw ray matiguwang?

Ensot: Aw, oo, Lo, uy. Kadungog na ko ana. Ngano diay?

Lolo Carpo: Paghuman nakog kaligo ganina, nanamin ko. Ug sa akong pagsud-ong sa akong dagway, duna koy naamgohan.

Ensot: Unsa man, Lo?

Lolo Carpo: Sa dugay nang panahon, nagtuo gyod ko nga tawo ko. Pero sa akong pagpanamin, mao pa ko nasayod nga kabaw ra man diay ko.