DILI GUSTONG MAMAAYO
Sa imnanan ni Paulina sa Sagbayan, adunay tulo ka palahubog nga nanaginom. Unya, adunay miabot nga usa ka lalaki nga tag-as og buhok. Mipalit kini og tubig. Dayon, milingkod kini sa pikas lamesa ug nag-inom sa iyang tubig nga nahimong bino sa baso. Ang tulo ka palahubog nakahunahuna nga basin si Hesus ang naa sa pikas nga lamesa maong nanuol sila niini ug nagpasalamat sa pagluwas sa kasal-anan sa katawhan. Nagpahiyom lang si Hesus ug gipikpik ang una nga palahubog nga si Joey…
Joey: Usa ka milagro, nawala ang sakit nako sa likod.
Gipikpik na usab ni Hesus ang ikaduha nga palahubog nga si Raymond…
Raymond: Salamat, mihayag na akong paminaw.
Mopikpik na unta si Hesus sa ikatulo nga palahubog nga si Rogelio, apan mikalit man hinuon og palayo…
Rogelio: Ayaw kog pikpika kay gadawat baya kog pension tungod sa akong sakit.