Richard Quan

Misutoy Ang Karera Sa Showbiz Bisan Adunay Pandemya

PADAYON ang pagka- busy sa lainlaing proyekto ang veteran actor nga si Richard Quan. Sa kasamtangan, bisan aduna pay pandemic, wala siya mawad-i og pelikula o kaha TV series.

Karong tuiga, ang pipila sa gihimong proyekto sa naasoyng award-winning actor mao ang “Bagong Umaga” nga gisalmotan sab nila ni Tony Labrusca, Heaven Peralejo, Barbie Imperial, Kiko Estrada, Michelle Vito, ug Yves Flores.

Nahimo sab siyang tipik sa serye nga “He’s into Her” nga ginabidahan nila ni

Donny Pangilinan ug Belle Mariano. Himoan usab kini og Season 2, maong piho nga daghan ang mahimuot sa mga nanagsunod niini.

Gikan niini gipasulod ang aktor sa casts sa “Huwag Kang Mangamba” nga ginabidahan nila ni Andrea Brillantes, Francine Diaz, Seth Fedelin, Sylvia Sanchez, Mylene Dizon, Andrea del Rosario, ug daghan pang uban.

Maoy nauso karon ang lock-in taping, nahisgotan sab ni Richard ang iyang panahom labot niini.

Matod niya, “Parehong may pros and cons, okay ang lock-in taping dahil naka-focus ang lahat sa work... but you need a certain discipline. Kapag matagal ang lock-in, namimiss mo ang mga usual na ginagawa at nakakasama mo.

“Sa dating system, nakakauwi ka but may tendency na somehow mabawasan ang focus mo sa trabaho. Pero both are okay sa akin, as long as wala ng virus at safe and healthy na ang lahat.”

Sa pagkakaron, libang kaayo si Richard sa pagpangandam sa gipaabot sa tanan ug ginaingon nga labing dako nga TV series nga “Darna”, nga gisalmoan ni Jane de Leon.

Siya ang modala sa papel isip si Rex Vanguardia nga gikan sa planetang Marte.

Unsa man ang mga pagpangandam nga iyang gihimo alang niining maong serye?

“Sa ngayon keeping fit and ready sa mga possible action and fight scenes,” daginoton niyang sulti.

Sa pelikula usab, ang pipila sa gitakda niyang himoon o kaha kasamtangan niyang gihuman mao ang “Julio” ni Direk Hubert Tibi. Kalabot kini sa journey ni Julio sa panahon sa pandemya, kon unsa ang pamalandong sa mga Pinoy sa panahon sa pandemya. Plus, usa pa ka indie film gikan kang Direk Nestor Malgapo.

Niining nanglabayng mga adlaw, pirme siyang makit-an sa FB nga nag- bike ug nagmotor, hobby ba gyod niya kini?

Esplikar ni Richard, “I call it anti-stress activity... may sense ng freedom kapag naka-bike at nagmomotor ka. No traffic, iyong sound and feel ng motor... Going to places na hindi mo lagi napupuntahan, lalo na dahil sa traffic...

“And mayroong kakaibang camaraderie ang mga bikers at motorbikers, mayroong sariling culture and attitude. It’s fun and adventure.”

Nahisgotan sab ni Richard nga sa pagkakaron, kontento ug malipayon na siya sa dagan sa iyang karera sa showbiz.

Padayag pa niya, “Happy and contented... mas concern ko lang iyong iba na halos hindi maka-survive sa industry, sa buong bansa... I hope everybody ay mabigyan ng opportunity and somehow ma-elevate ang pamumuhay.”

Unsa pa bay wish niya nga mahitabo sa dagan sa iyang karera sa showbiz?

“Kung mayroon pang mas malaking darating, welcome iyon. Otherwise, maintain lang whatever I have right now and hope na maging positive influence sa mas marami pang tao,” hisgot pa ni Richard.