(ANG INYONG KAPALARAN SA ENERO 2022)
SAGITTARIUS – (Nobiyembre 22 – Disyembre 21) – Niining bulana may motanyag kanimo nga lisod mong balibaran. Apan angay mong hunahunaon ang mamahimong linugdangan sa ipakanaog mong desisyon. Sangpit sa Labawng Makagagahom. Molahutay kang mosabot sa mahal mo. Suwerte mong adlaw ang Huybes ug palaran mong numero ang 8, 4, 5.
CAPRICORN – (Disyembre 22 – Enero 19) – Makabaton kag kalinaw sa kaisipan human sa tambongan mong recollection. Dako na ang nahimong kausaban sa imong batasan. Masabtan mo na ang mga panghitabo sulod sa pamilya. Masinaboton ang imong mahimong kapikas. Biyernes ang suwerte mong adlaw ug 3, 2, 6 ang palaran mong numero.
AQUARIUS – (Enero 20 – Pebrero 18) – Niining bulana di ka mahinayon sa imong pagbakasyon. Adunay daghang importanteng butang nga imong asikasohon. Makarelaks ka lang pinaagi sa makanunayon mong pagampo. Makapahiyom ka sa ihunghong kanimo. Suwerte mong adlaw ang Sabado ug palaran mong numero ang 7, 6, 9.
PISCES – (Pebrero 19 – Marso 20) – Madasigon kang motudlo bahin sa katekismo. Matuman na gayod ang imong pangandoy nga mahiduol sa Ginoo bisan wa matuman ang imong pagka madre. Mobulig kanimo ang maayong kahigayonan. Mabulokon ang sudlan mong relasyon. Martes ang suwerte mong adlaw ug 4, 1, 5 ang palaran mong numero.
ARIES – (Marso 21 – Abril 19) – Niining bulana mobati kag kalagsik sa imong panglawas. Ipadayon lang ang gitambag sa doktor. Kinahanglan nga regular kang mag-eksersayis. Magmalamposon ang ipahigayon mong negosasyon. Makapiyong ka sa talagsaong katagbaw. Suwerte mong adlaw ang Lunes ug palaran mong numero ang 3, 5, 9.
TAURUS – (Abril 20 – Mayo 20) – Masangkaron ang imong pagpanglimbasog. Hatagan mog prayoridad ang mga kalihokan nga imong apilan sa simbahan. Di ka usab malimot sa paghatag og donasyon. Magmauswagon ang imong negosyo. Makalikay ka sa matentalong agni sa kidhat. Huybes ang suwerte mong adlaw ug 6, 2, 7 ang palaran mong numero.
GEMINI – (Mayo 21 – Hunyo 20) – Niining bulana daghan ang makamatikod sa lahing awra sa imong personalidad. Daghan ang mabato-balani sa imong talagsaong kaanyag. Matuman na gayod ang imong gipangandoy sa kinabuhi. Magmalungtaron na ang bag-o mong relasyon. Suwerte mong adlaw ang Sabado ug palaran mong numero ang 5, 3, 4.
CANCER – (Hunyo 21 – Hulyo 22) – Makabig ka sa mga kalihokang relihiyoso. Daghan kag makombensir nga kabatan-onan nga mosimba na sila matag Domingo. Ipaambit mo sa uban ang nakat-onan mo sa gitambongan nga seminar. Masabtan mo ang pagpanguhit sa mahal mo. Biyernes ang suwerte mong adlaw ug 9, 5, 6 ang palaran mong numero.
LEO – (Hulyo 23 – Agosto 22) – Niining bulana makahaw-as ka na sa imong mga obligasyon. Dako og gikatabang ang bag-o mong nakatonan nga trabaho. Daghan ang makagusto sa imong serbisyo. Padayon sa imong pagka makugihon. Kusog ang imong sex appeal. Suwerte mong adlaw ang Domingo ug palaran mong numero ang 2, 1, 3.
LIBRA – (Septiyembre 23 – Oktubre 22) – Niining bulana kapahimuslan mo na ang imong nakat-onan sa gitambongan nga pasinati. May motabang kanimo aron mokusog ang imong produksiyon. Daghan na ang moorder sa imong produkto. Magmalipayon ka sa bag-o mong relasyon. Suwerte mong adlaw ang Domingo ug palaran mong numero ang 8, 1, 4.
SCORPIO – (Oktubre 23 – Nobiyembre 21) – Mapalapdan ang imong pagpaningkamot kay motaas ang lebel sa imong inspirasyon. Makakuha kag suporta ug kooperasyon sa imong mga igsoon. Matuman ra ang imong pangandoy nga magkahiusa ang pamilya. Matagbawon ang romansa. Miyerkoles ang suwerte mong adlaw ug 7, 3, 9 ang palaran mong numero.
SCORPIO – (Oktubre 23 – Nobiyembre 21) – Niining bulana madasig kang motuman sa imong mga asaynment. Panglimbasogan mong mahimuot ang imong boss aron maapil ka sa promosyon. Di ka angayng molaktaw sa pagsimba. Magmalipayon ang sudlan mong relasyon. Suwerte mong adlaw ang Miyerkoles ug 3, 4, 6 ang palaran mong numero.