(ANG INYONG KAPALARAN SA PEBRERO 2022)
SAGITTARIUS – (Nobiyembre 22 – Disyembre 21) – Niining semanaha daghan ang makamatikod sa lahing kadasig nga imong mabatonan. Dali kang makakombensir sa imong mga kostumer. Angayng dugangan ang imong mga tinda. Mabuligon ang kahigayonan. Dugosnon ang romansa. Suwerte mong adlaw ang Huybes ug palaran mong numero ang 7, 2, 5.
CAPRICORN – (Disyembre 22 – Enero 19) – Niining semanaha mahupay na ang panakit sa kalawasan. Di ka na magpalabi sa imong trabaho. Mogahin kag panahon sa paglulinghayaw. Ipadayon ang imong hilig sa pagsulat. Magmadasigon ka. Maanod ka sa agni sa kahidlaw. Suwerte mong adlaw ang Lunes ug palaran mong numero ang 1, 7, 8.
AQUARIUS – (Enero 20 – Pebrero 18) – Mahatagag katumanan ang imong pangandoy. Dugang kakugi pa ang imong gikinahanglan aron maangkon mo ang imong kaharuhay. Magmalamposon ang imong mga anak sa ilang pag-eskuyla. Mangalimyon ang atmospera sa lovelife. Biyernes ang suwerte mong adlaw ug 2, 6, 3 ang palaran mong numero.
PISCES – (Pebrero 19 – Marso 20) – Niining bulana magmalamposon ang gipahigayon mong negosasyon. Dako ang posibilidad nga makatabang kinis imong kaigsoonan. Ipadayon ang imong outreach program. Madungog na ang imong pag-ampo. Tabunok ang romansa. Suwerte mong adlaw ang Miyerkoles ug palaran mong numero ang 4, 5, 9.
ARIES – (Marso 21 – Abril 19) – Positibo ang resulta sa imong panukiduki. Dako ang posibilidad nga ma- promote ka sa imong posisyon. Di mo ipanghakog ang imong nakat-onan. Aduna ka nay ikapanghatag sa imong mga igsoon. Magmabulokon ang imong relasyon. Domingo ang suwerte mong adlaw ug 7, 5, 6 ang palaran mong numero.
TAURUS – (Abril 20 – Mayo 20) – Niining semanaha matikad mo pag-ayo ang tinagoan mong talento. Mosamot ang imong kamadasigon sa imong bag-ong trabaho. Mogahin ka nag kantidad alang sa umaabot mong galastohan. Makahimamat kag binuhat nga mounong kanimo. Suwerte mong adlaw ang Sabado ug palaran mong numero ang 4, 3, 2.
GEMINI – (Mayo 21 – Hunyo 20) – Makadawat kag dugang pang grasya sa imong pagka manggihatagon. Daghang mobulig sa imong makugihong pagpaningkamot. Mopatigbabaw ang imong pagka mait-on. Mohatag kag hinabang sa simbahan. Pahinuntan mo ang kidhat. Martes ang suwerte mong adlaw ug 5, 9, 7 ang palaran mong numero.
CANCER – (Hunyo 21 – Hulyo 22) – Niining semanaha makadawat kag sorpresang balita. Dakog ikatabang kini sa imong tinguha nga makatrabaho sa abroad. Mosanag ang imong umaabot. Mopabor kanimo ang kahigayonan. Magmabungahon ang imong kakugi. Mainiton ang romansa. Suwerte mong adlaw ang Biyernes ug palaran mong numero ang 6, 4, 2.
LEO – (Hulyo 23 – Agosto 22) – Masipong mo na ang mga kasayoran nga mohatag og katinawan. Di na madugay nga hatagag solusyon ang problema. Madasigon ang imong mga gutling. Daghan kag makat-onan sa tambongan mong pasinati. Mahuwasan ang imong kahidlaw. Sabado ang suwerte mong adlaw ug 8, 7, 3 ang palaran mong numero.
VIRGO – (Agosto 23 – Septiyembre 22) – Niining semanaha daghan ang moabiba sa imong maangkon nga kalamposan. Wa makawang ang imong pagpaningkamot. Ipaambit mo sa uban ang imong kahibalo. Way makababag sa imong pag-asenso. Masum-ok kag relasyon nga magmalungtaron. Suwerte mong adlaw ang Domingo ug palaran mong numero ang 9, 1, 5.
LIBRA – (Septiyembre 23 – Oktubre 22) – Mokusog ang halin sa imong paninda. Mogahin kag donasyon alang sa proyekto sa simbahan. Di mo makalimtan ang pagduaw sa imong inahan. Wa kay panahon nga makigtubay sa mga tsismis. Di ka makabalibad sa awhag sa kamingaw. Miyerkoles ang suwerte mong adlaw ug 4, 3, 6 ang palaran mong numero.
SCORPIO – (Oktubre 23 – Nobiyembre 21) – Makadispaser na ang imong kinitaan. Adunay motabang kanimo nga di ka makabalibad. Di ka malimot sa pagpasalamat sa Ginoo. Makabalos ka ra sa mga tawong nautangan mog kabubut-on. Di mo kapugngang mohangos sa kalalim. Martes ang suwerte mong adlaw ug 3, 2, 9 ang palaran mong numero.