DI MATAG-AN
Sa imnanan ni Paulina sa Sagbayan, adunay duha ka palahubog...
Rogelio: Pre, kaila ka kang Donya Belen?
Raymond: O, Pre, kadtong naminyo kang Don Roberto tungod ra sa kuwarta.
Rogelio: Sakto, Pre. Gigamit ra niya ang katigayonan ni Don Roberto para madato og maayo. Nagnegosyo og prutasan ug manokan. Naningkamot lagi og maayo kay ang batasan dili papilde.
Raymond: Nadunggan nako nga paralisado na man daw kay sige og kasuko.
Rogelio: Mao lagi. Ang kapait pa jod, wala jod niya magamit sa kalipay ang iyang gipaningkamotan.
Raymond: Lagi, Pre. Nadunggan nako nga ang nabana ra man daw sa iyang anak nga si Jocelyn ang nalipay karon. Kay gisunod ra ang katigayonan ug lipay-lipay na lang. Si Donya Belen gahulat na lang daw og adlaw, hapit na daw matigok.
ANTHONY LOCSIN Davao City