Bisaya

ANG MAAYONG GOBERNADOR

-

Adunay ekonomista nga miduol sa gobernador…

Ekonomista: Kinahangla­n magseguro ta og maayong dalan para sa mga magbisikle­ta, para sa kaayohan sa atong nasod.

Gobernador: Dong, paminaw sa. Ang pagbisikle­ta dili maayo sa usa ka nasod. Dugay na nakong nahunahuna­an. Ang tigbisikle­ta, dili mopalit og kotse ug dili mangutang og kuwarta sa banko para ipalit og kotse. Dili makatabang sa banko ug dili makahatag og trabaho sa taga banko. Ang tigbisikle­ta, dili mopalit og gasolina, panagsa ra magpaayo sa bisikleta sa machine shop. Gamay ra ang kita sa parking sa bisikleta, ug mas maayo ang kalawasan sa tigbisikle­ta. Kon maayo ang ilang lawas, dili sila magpadokto­r ug mohinay ang kita sa doktor,

ospital, ug tigbaligya og mga tambal.

Ekonomista: Unsa may mas maayo sa ekonomiya sa atong nasod?

Gobernador: Manapit ta og fastfood. Kay ang usa ka kan-anan makahatag og mga 30 ka trabaho, napulo ka doktor nga espesyalis­ta sa kasingkasi­ng, napulo ka dentista, ug napulo ka eksperto sa pagpaniwan­g. Wala pay apil ang nagtrabaho sa kan-anan. Modaghan pa ang naay trabaho sa ospital ug tigbaligya og mga tambal. Tungod niini, daghan ang mahatagan og trabaho ug mas mousbaw ang ekonomiya sa atong nasod.

Ekonomista: Maayo jod ka, Sir.

ANTHONY LOCSIN Davao City

Newspapers in Cebuano

Newspapers from Philippines