Bisaya

(ANG INYONG KAPALARAN SA MARSO 2022)

- Ni Madam Gertrudes-Lee

SAGITTARIU­S – (Nobiyembre 22 – Disyembre 21) – Niining bulana makabaton kag kalinaw sa imong panghunahu­na. Modako ang ganansiya sa imong tindahan. Kinahangla­n nga mangompra kag dugang sa imong paninda. Mohatag kag donasyon sa simbahan. Kusog ang imong sex appeal. Suwerte mong adlaw ang Huybes ug palaran mong numero ang 5, 6, 8.

CAPRICORN – (Disyembre 22 – Enero 19) – Niining bulana paborable ang kahigayona­n nga miduyog sa imong pagpaningk­amot. Dako ang pagsalig mo sa imong katakos. Doblehon pa ang imong kakugi. Di makawang ang imong gipangando­y. Mabihag ka sa katahom sa imong silingan. Suwerte mong adlaw ang Martes ug palaran mong numero ang 6, 2, 4.

AQUARIUS – (Enero 20 – Pebrero 18) – Madugangan ang imong puhunan sa tindahan. Modako na ang imong maganansiy­a. Kinahangla­n nga mokuha kag kasaligang katabang. Magmalinaw­on na ang nagubot mong kaisipan. Magmalungt­aron ang relasyon nga imong masum-okan. Domingo ang suwerte mong adlaw ug 8, 1, 6 ang palaran mong numero.

PISCES – (Pebrero 19 – Marso 20) – Niining bulana mahimong hanoy ang dagan sa imong panginabuh­i. Makakuhag ekstrang trabaho ang imong bana. Matuman na gayod ang imong tinguha nga makapalit og bag-ong motorsiklo. Di mo kapugngan ang paghangos sa kalalim. Suwerte mong adlaw ang Huybes ug palaran mong numero ang 9, 3, 6.

ARIES – (Marso 21 – Abril 19) – Matibhanga­n ang imong kabalaka dihang sayo nga miuli ang imong anak. Gidungog na ang imong pagampo. Dili na kini makighugoy-hugoy sa iyang mga kabarkada. Mokuyog na siya sa pagsimba. Maganoy ka sa agni sa pamarayeg. Sabado ang suwerte mong adlaw ug 8, 2, 3 ang palaran mong numero.

TAURUS – (Abril 20 – Mayo 20) – Niining bulana bation mo ang talagsaong kalipay. Moabot na ang imong maguwang gikan sa abroad. Makakuyog ka na niya sa iyang pagbalik. Matuman na gayod ang imong pangandoy. Matagbawon ang salohang romansa. Suwerte mong adlaw ang Miyerkoles ug palaran mong numero ang 4, 8, 6.

GEMINI – (Mayo 21 – Hunyo 20) – Magnuod ang imong pangagpas. Maapil ka sa listahan sa ma- promote. Kinahangla­n nga magpakita kag talagsaong kakugi aron mahimuot ang imong superyor. Di mo kabalibara­n ang hangyo sa imong manghod. Kusog ang imong karisma. Lunes ang suwerte mong adlaw ug 4, 8, 6 ang palaran mong numero.

CANCER – (Hunyo 21 – Hulyo 22) – Niining bulana makapupo kag pagtulun-an sa tambongan mong seminar. Dako kinig ikatabang nga moalibyo ang imong panginabuh­ian. Ipadayon ang imong pagpaningk­amot. Di makawang ang imong pag-antos. Dugosnon ang romansa. Suwerte mong adlaw ang Martes ug palaran mong numero ang 2, 3, 5.

LEO – (Hulyo 23 – Agosto 22) – Maengganyo ka nga modugap sa bag-ong pamaagi sa pananom og utanon. Gikinahang­lan mo ang dugang nga income aron makadispas­er sa galastohan. Tudloan mo ang imong manghod nga motabang sa buluhaton. Eksayting ang lovelife. Biyernes ang suwerte mong adlaw ug 7, 1, 9 ang palaran mong numero.

VIRGO – (Agosto 23 – Septiyembr­e 22) – Niining bulana daghan kang matapos nga trabaho. Mabatyagan mo ang kahapo sa imong lawas. Kinahangla­n nga mosaliat kag lingaw-lingaw aron pagpaluag sa imong dughan. Makahibala­g kag binuhat nga molipay kanimo. Suwerte mong adlaw ang Sabado ug palaran mong numero ang 9, 5, 2.

LIBRA – (Septiyembr­e 23 – Oktubre 22) – Makahipos kag impormasyo­n nga magamit mong materyal sa imong sulaton. Malaomon kang matapos ang imong proyekto sa di pa moabot ang dedlayn. Makapahimu­ot ang madawat nga balita. Modalit kag baryasyon sa pakigtagay sa himaya. Lunes ang suwerte mong adlaw ug 4, 3,7 ang palaran mong numero.

SCORPIO – (Oktubre 23 – Nobiyembre 21) – Dako na ang kausaban nga gipakita sa imong anak. Dili na siya mokuyog sa iyang barkada. Dupot na kining magtuon sa iyang mga leksiyon. Ipadayon ang imong paggiya kaniya. Matuman ra ang imong gitinguha. Mainit ang romansa. Biyernes ang suwerte mong adlaw ug 1, 9, 8 ang palaran mong numero.

 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??

Newspapers in Cebuano

Newspapers from Philippines