DALO NA, MANGATIK PA

Estoy: Lagot gyod ko anang Siloy ba.

Noemi: Ngano man pod? Di ba bag-o lang kang miduaw sa ilang balay?

Estoy: Mao gani. Dalo gyod nang tawhana, uy.

Noemi: Unsa diay iyang gidalo sa imoha?

Estoy: Ay, nakakita man god ko nga naa diay siyay tinanom nga ubas sa luyo sa ilang balay. Naibog ko, mao nga nanghangyo ko nga hatagan ko niya og liso para makatanom pod ko dinhi sa atoa.

Noemi: Unya?

Estoy: Sus, puwerte gyod laging daloa. Bisan miingon ko nga kon unsa man, mobayad ko sa iyang ihatag. Pero wala gyod

mohatag.

Noemi: Ngano man pod?

Estoy: Kay ingon niya nga seedless grapes man kuno iyang tanom! Grabe, liso ra gani dili gyod mohatag. Bisan unsa na lang pamasangil. Dalo gyod!

Noemi: Bitaw, no? Dalo gyod.

Estoy: Miingon pa gyod nga hatagan lang kuno ko niyag mga pinutol nga sanga para itanom. Pastilan, mangatik pa gyod! Ibalibag ko man kaha nang mga sanga nga iyang ihatag.