WALA SA SYSTEM
Dunay dokumento nga gipadala si Anton sa usa ka courier service...
Clerk sa courier service (human magtuplok-tuplok sa iyang kompyuter): Ay, Sir, sori gyod kaayo. Dili god nimo puyde ipadala dinhi ning imong dokumento.
Anton: Ngano, unsa diay problema, Miss?
Clerk: Kuan man god, Sir, wala miy delivery aning lugara kay wala man siya sa among system.
Anton: Aw, mao ba. Sige na lang, didto sa pikas courier service ko magsulay og padala.
Clerk: Ay, Sir, hapit na man diay ang Pasko, no?
Anton: Bitaw, ngano diay?
Clerk: Ayaw unya ko kalimti paghatag og Pinaskohan, Sir, ha?
Anton: Ay, Miss, pasensiya lang gyod. Dili tika puyde hatagan og Pinaskohan. Clerk: Ngano pod, Sir?
Anton: Wala man god ka sa akong system.
ERIC S.B. LIBRE
Davao del Sur