Ambisyosong Tinta

Mimansa human manuasik diha sa putling papel Gikang giwiris-wiris sa mapugsanong hunahuna Mabag-id sa hangin nga nanamkog panlimbasog Nagpangapkap ug sarang kagambayan

Aron madunggan ang singgit sa imahinasyon Ug hisabtan ang mensahe sa kilat ug dalugdog

Pangitaon ang tinagoang lungag sa katitikan

Diin maoy himoong lamparahan

Ang metapora diha sa mga kamot ni Nyor Lam

Sa dili matigpo nga suwab sa mga balak ni Nyor Erning Ug sa mga tunob ni Kevin

Paingon sa alimungaw niyang kalibotan

APRONIANITO F. MIRAMON Talisay, Santander, Cebu