Mirror Of Fortune
(ANG INYONG KAPALARAN SA HULYO 2022)
SAGITTARIUS – (Nobiyembre 22 – Disyembre 21) – Makalingkawas ka na sa imong obligasyon. Adunay motabang kanimo nga di magpaila. Mabag-o ang dagan sa imong panginabuhi. Di ka na angay nga magwaldas sa imong kuwarta. Makasinati kag kalalim nga di mo malimtan. Miyerkoles ang suwerte mong adlaw ug 7, 1, 9 ang palaran mong numero.
CAPRICORN – (Disyembre 22 – Enero 19) – Niining bulana makahagdaw kag maayong materyal sa sulaton mong sugilanon. Tabunok ang imong imahinasyon samtang mitaob pa ang imong kadasig. Dako kag ikatabang sa imong igsoon. Masabtan mo ang mensahe sa mahagitong pasiplat. Suwerte mong adlaw ang Martes ug palaran mong numero ang 4, 6, 7.
AQUARIUS – (Enero 20 – Pebrero 18) – Ikapasigarbo mo na ang nakab-ot mong kadaogan. Di matag-an ang kapalaran sa tawo. Karon, daghan na ang modayeg kanimo lakip na ang inahan sa imong gihalaran nga kaniadto miyam-id kanimo. Patughan mo ang kablit sa kahidlaw. Huybes ang suwerte mong adlaw ug 3, 5, 2 ang palaran mong numero.
PISCES – (Pebrero 19 – Marso 20) – Niining bulana mosamot ang kadasig sa imong pagpaningkamot. Daghan ang mokuha sa imong serbisyo. Makabayad ka na sa imong mga utang. Makamao ka nang mobadyet sa imong kinitaan. Di mo kabalibaran ang hunghong sa imong kapikas. Suwerte mong adlaw ang Lunes ug palaran mong numero ang 1, 6, 5.
ARIES – (Marso 21 – Abril 19) – Molurang ra ang kalisod nga mosamok kanimo. Dako ang purohan nga moasenso human sa pagsagubang sa mga pagsulay sa kinabuhi. Ayaw lamang kalimot sa pagsangpit sa Kahitas-an. Makalikay ka sa tentasyon nga mohadla kanimo. Sabado ang suwerte mong adlaw ug 3, 2, 6 ang palaran mong numero
TAURUS – (Abril 20 – Mayo 20) – Niining bulana makamatngon ka na sa nahimo mong kasaypanan. Di ka na magpatuyang sa imong kagustohan. Sundon mo na ang tambag sa imong inahan. Di pa ulahi ang tanan aron magmalamposon ka. Dugosnon ang salohang romansa. Suwerte mong adlaw ang Biyernes ug palaran mong numero ang 8, 7, 2.
GEMINI – (Mayo 21 – Hunyo 20) – Adunay mohangyo kanimo nga lisod mong balibaran. Makat-on ka rag leksiyon sa sobra mong kamanggiluy-on. Di mo mataligam-an ang imong eskedyul sa simbahan. Magpabilin kang sinsero. Modungan kag hangos sa kalalim. Miyerkoles ang suwerte mong adlaw ug 6, 5, 4 ang palaran mong numero.
CANCER – (Hunyo 21 – Hulyo 22) – Niining buwana mosapigad sa imong handurawan ang malipayong nangagi. Mopaundayon kas dagan sa kahigayonan. Hugtan mo ang bakos sa pagdaginot. Likayanmonaangpagpakigbarkada. Makalahutay ka sa kaparaygon sa mga gutling. Suwerte mong adlaw ang Domingo ug palaran mong numero ang 1, 3, 8.
LEO – (Hulyo 23 – Agosto 22) – Makakita kag diskarte nga masolusyonan ang imong problema. Makamatngon ka na sa imong kasaypanan. Di ka na magpaturagas sa pagpakanaog og desisyon. Makalipay ang madawat mong balita. Mainiton ang lahing agni sa pahiyom. Martes ang suwerte mong adlaw ug 4, 2, 6 ang palaran mong numero.
VIRGO – (Agosto 23 – Septiyembre 22) – Niining buwana mopabor ang kahigayonan sa imong pagpaningkamot. Magmabungahon ang tanan mong pagpanglimbasog. Pagmatngon lang kay adunay moilad kanimo. Lig-ona ang imong baroganan. Makahangos ka nunot sa kalalim. Suwerte mong adlaw ang Biyernes ug palaran mong numero ang 9, 5, 7.
LIBRA – (Septiyembre 23 – Oktubre 22) – Makadiparal kang motaas ang lebel sa imong kadasig. Pahinuntan mo ang imong talagsaong kakugi. Daghan kag makat-onan sa bag-o mong asaynment. Way makababag sa imong pagasenso. Masum-ok kag romansa nga karon mo pa masinati. Lunes ang suwerte mong adlaw ug 3, 6, 2 ang palaran mong numero
SCORPIO – (Oktubre 23 – Nobiyembre 21) – Niining buwana makabaton kag kamalinawon sa imong panghunahuna. Monunot ang kamadasigon mong magtrabaho. Daghan ang mokuha sa imong serbisyo. Makatigom ka na sa imong kinitaan. Suklian mo ang kamainiton sa imong kapikas. Suwerte mong adlaw ang Sabado ug palaran mong numero ang 5, 8, 4.