NGANONG PASPAS

Sa usa ka highway sa Dabaw, naay gipahunong ang mga traffic police nga sakyanan kay paspas kaayo kining mipadagan. Paghunong sa sakyanan, natingala sila kay tiguwang man diay ang nagmaneho...

Patrolman Lando: Sir, kabalo ka ba nganong gipahunong ka namo?

Rogelio: Tungod kay paspas kaayo ang padagan nako sa sakyanan, mao ba, Sir? Kinahanglan man god nakong mopaspas og maneho kay edaran na ko.

Patrolman Lando: Nganong man diayg edaran na ka? Unsay labot niana?

Rogelio: Kon dili god ko mopaspas, makalimot unya ko kon asa ko paingon.