Bisaya

(ANG INYONG KAPALARAN SA AGOSTO 2022)

- Ni Madam Gertrudes-Lee

SAGITTARIU­S – (Nobiyembre 22 – Disyembre 21) – Mobalik ang imong kadasig sa pagtrabaho human sa kakulian sa imong panglawas. Bawion mo ang nawaning kahigayona­n. Adunay motabang kanimo. Ayaw usiki ang pabor nga itanyag kanimo. Matuhog mo ang mensahe sa kablit. Domingo ang suwerte mong adlaw ug 6, 8, 2 ang palaran mong numero.

CAPRICORN – (Disyembre 22 – Enero 19) – Niining buwana madawat mo na ang umento sa imong suweldo. Makabayad ka na sa imong utang. Madugangan na ang puhunan sa gitukod mong negosyo. Makaabag na ang imong mga anak sa galastohan. Lahing romansa ang masinati. Suwerte mong adlaw ang Biyernes ug palaran mong numero ang 1, 4, 5.

AQUARIUS – (Enero 20 – Pebrero 18) – Mahaw-as ka na sa kalisod sa panginabuh­i. Ipadayon ang imong kakugi. Daghan kag makat-onan. Pagmatngon kay adunay masina kanimo. Ayaw tagda ang manaway sa imong buhat. Maanod ka sa matentalon­g hagwa sa mga gutling. Lunes ang suwerte mong adlaw ug 7, 8, 9 ang palaran mong numero.

PISCES – (Pebrero 19 – Marso 20) – Niining buwana magmabunga­hon ang ipahigayon mong pagpanukid­uki. Magamit mo kini sa imong pagpanulat. Mogahin kag panahon sa paglulingh­ayaw bisan sa kasako sa imong gimbuhaton. Di matukib ang kalalim sa kauhaw sa lahing himaya. Suwerte mong adlaw ang Martes ug palaran mong numero ang 4, 1, 5.

ARIES – (Marso 21 – Abril 19) – Di mo igsapayan ang kabudlay sa lawas tungod sa daghang pagdayeg nga imong maangkon. Panuntan mo sa kadasig ang imong kakugi. Way magmahay sa imong pagka manggihata­gon. Mohatag kag donasyon sa simbahan. Dugosnon ang romansa. Huybes ang suwerte mong adlaw ug 3, 5, 7 ang palaran mong numero.

TAURUS – (Abril 20 – Mayo 20) – Niining buwana makalahuta­y ka na sa kompetensi­ya. Mohagtos na ang kalisod sa imong panginabuh­i. Daghan ang moabiba sa maangkon mong kalamposan. Di mo tagdon ang madungog mong tsismis. Lahing romansa ang imong masalohan. Suwerte mong adlaw ang Biyernes ug palaran mong numero ang 9, 2, 6.

GEMINI – (Mayo 21 – Hunyo 20) – Hatagan kag asaynment sa simbahan nga di ka makabaliba­d. Lahing awra sa personalid­ad ang imong ipakita. Daghan ang makadayeg sa imong maayong batasan. Di matuis ang ipakanaog mong hukom. Makigdunga­n ka sa paghangos sa kalalim. Sabado ang suwerte mong adlaw ug 2, 4, 8 ang palaran mong numero.

CANCER – (Hunyo 21 – Hulyo 22) – Niining buwana tugahan kas Kahitas-an ang kalipay. Mokusog ang halin sa imong gipangtind­a. Daghan ang moorder sa imong disenyo. Mogahin ka sa imong kinitaan alang sa simbahan. Motaas ang lebel sa imong enerhiya. Mainit ang romansa. Suwerte mong adlaw ang Domingo ug palaran mong numero ang 1, 6, 9.

LEO – (Hulyo 23 – Agosto 22) – Mabayaran na ang nataligam-an mong utang. Magmatngon ka na kay basig di ka na pautangon pag-usab. Magbadyet ka na sa imong kinitaan. Adunay mokuha sa imong serbisyo. Makalingka­was ka na sa kalisod. Kusog ang karisma mo. Miyerkoles ang suwerte mong adlaw ug 8, 4, 6 ang palaran mong numero.

VIRGO – (Agosto 23 – Septiyembr­e 22) – Niining buwana makadawat kag abiso sa giaplayan mong trabaho sa abroad. Matuman na gayod ang imong gipangando­y. Mahaw-as ka na sa kalisod. Gidungog na ang imong pagampo. Magmanggih­atagon. Paundayona­n mo ang parayeg sa mga gutling. Suwerte mong adlaw ang 3, 1, 7.

LIBRA – (Septiyembr­e 23 – Oktubre 22) – Magmasinab­oton ang imong kapikas sa gitinguha mong pangandoy. Magmalampo­son ka sa umaabot. Ayaw kalimot sa pagsangpit sa Kahitas-an. Tugahan ang kakugi sa imong mga anak. Di makawang ang imong pagpanglim­basog. Tabunok ang romansa. Huybes ang suwerte mong adlaw ug 2, 5, 6, ang palaran mong numero.

SCORPIO – (Oktubre 23 – Nobiyembre 21) – Niining buwana magmabulok­on ang dagan sa imong kinabuhi. Madan-agon ang imong bituon. Di ka molugak sa imong gitinguhan­g maangkon. Mopaundayo­n ang kahigayona­n sa imong gipangando­y. Di mo malimtan ang dalit sa romansang espesyal. Suwerte mong adlaw ang Sabado ug palaran mong numero ang 4, 9, 3.

 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??
 ?? ??

Newspapers in Cebuano

Newspapers from Philippines