Direktang Kuha Kang Kelvin Miranda Gikan Sa Kamera
SA akong kasinatian isip photographer, mas nahimo akong komportable sa estilong retro style portraiture. Ang retro photography nagpasabot sa mga hulagway nga naghatag og estiteka o pagbati gikan sa miaging panahon. Usa kini ka matang sa potograpiya nga dinasig sa mga uso o moda nga nahitabo sa nangaging mga dekada.
Tuig 2016 dihang una akong migamit og digital mirrorless camera. Sa kaugalingon kong kasinatian, mas magdugay ang akong panahon sa pag-edit sa usa ka hulagway depende kon giunsa ko kini pagkuha. Kasagaran sa usa ka hulagway, molanat ang akong editing og mga duha hangtod sa tulo ka oras alang sa manual color grading hangtod nga makontento ako sa bulok nga gidapat nako niini. Usa kini ka dakong paggahin og takna ilabi na kay wala akong presets ug kinahanglang maggukod sa deadlines.
Tuig 2020, naghinandas ang pandemic sa dihang nadiskobrehan nakong diha sa settings sa akong kamera adunay gitawag og “film simulation”
nga wala ko ra usab kaayo unta hatagig pagtagad kaniadto tungod sa pagtuo nako nga kini mao lamang ang lainlaing colored filters
maong dihadiha ako dayon kining giduki-duki. Ug sa akong nakat-onan sa akong panuki-duki labot sa film simulation, kadasig ug kahimuout ang akong nabatyagan. Ang film simulation mao ang pagsundog sa hitsura sa klasikong mga bulok (analog film colors) ug black and white film alang sa makahinganghang straight out of camera shots ug dili na kinahanglan pang iagi sa mga editing tool ug apps. Idiretso na dayog upload aron i-post sa social media. Sibo kaayo sanglit limitado ra man sab ang akong oras sa pag-edit sa akong retro style photography!
Sakto usab kaayo ug sa ikatulong higayon
Si Kelvin ang usa sa ampay nakong hulagwayan tungod sa pagka photogenic niini ug pagka natural sa atubangan sa kamera nga nahisama sa birtud sa Hollywood icon nga si James Dean kon photoshoot ang hisgotan.
akong nahulagwayan ang aktor nga si Kelvin Miranda nga gigamitan og film simulation recipes sa akong kamera. Kining maong simulation recipes mamahimong sundogon ang hues, tint ug bulok sa iladong mga analog film brands sama sa Kodak, Fujifilm, Agfa, Konica, Ilford ug daghan pa kaayo.
Gihulagwayan nako si Kelvin sa ilang panimalay sa indoor ug outdoor ginamit ang akong speedlight (alang sa indoor shots), vintage manual lens 25mm f1.8, ug film simulation recipes sama sa Kodak Kodachrome 64, Fujifilm Classic Chrome, ug Fujifilm Monochrome alang sa mas film style effect sa mga hulagway ni Kelvin.
Si Kelvin ang usa sa ampay nakong hulagwayan tungod sa pagka photogenic niini ug pagka natural sa atubangan sa kamera nga nahisama sa birtud sa Hollywood icon nga si James Dean kon photoshoot ang hisgotan. Lifestyle portraiture ang matang sa mga kuha nako kang Kelvin. Kon unsa ang natural kaniya sa ilang panimalay, kana lang ang akong gidakop maong nahimong smooth flowing ang among photoshoot.
Daghan kaayong choices ug options kon mag-estorya tag portrait photography. Usahay, walay problema kon dili nato himoong komplikado ang pagkuha sa mga hulagway aron dili mapiit ang atong kusog ug panahon. Sa kataposan, ang gipili gihapon nato ang mahimong mananaog kon unsa ang mas maayo alang sa atong gikuhang mga hulagway. —