Mirror Of Fortune

(ANG INYONG KAPALARAN SA SEPTIYEMBRE 2022)

SAGITTARIUS – (Nobiyembre 22 – Disyembre 21) – Mogahin kag panahon sa pagrelaks bisan sa kadaghan sa imong gimbuhaton. Dako ang purohan nga maapil ka sa promosyon. Magpabilin kang makugihon sa imong trabaho. Di matuis ang imong prinsipyo. Kusog ang imong karisma. Sabado ang suwerte mong adlaw ug 4, 1, 8 ang palaran mong numero.

CAPRICORN – (Disyembre 22 – Enero 19) – Niining buwana matapos na ang imong proyekto. Adunay mokuha sa imong serbisyo. Ipadayon ang pulido mong trabaho. Dako kag ikatabang alang sa kalamboan sa komunidad. Masum-ok kag talagsaong abentura sa gugma. Suwerte mong adlaw ang Miyerkoles ug palaran mong numero ang 6, 7, 2.

AQUARIUS – (Enero 20 – Pebrero 18) – Aduna kay makuhang ekstrang trabaho. Pagtinarong sa imong trabaho aron makasugakod sa panginabuhi. Magmalamposon ang imong anak sa gipiling ambisyon. Ayaw paglugak sa pagsuporta kaniya. Lahing dalit sa romansa. Biyernes ang suwerte mong adlaw ug 8, 4, 3 ang palaran mong numero.

PISCES – (Pebrero 19 – Marso 20) – Niining buwana makadawat kag rekognisyon sa imong malalangong mga obra. Madugangan pa ang imong kahanas. Daghan ang makadayeg sa gihuptan mong abilidad. Madungganon ka sa umaabot. Makapatabisay sa laway ang kalami. Suwerte mong adlaw ang Miyerkoles ug palaran mong numero ang 8, 9, 1.

ARIES – (Marso 21 – Abril 19) – Makamao ka nang mosagubang sa kalisdanan. Hamtong ka nang moasdang sa kalisod. Daghang leksiyon sa kinabuhi nga imong makat-onan. Di ka na mag-usik sa panahon. Di mo tubayan ang mga tsismis. Mainiton ang dalit sa romansa. Huybes ang suwerte mong adlaw ug 3, 5, 7 ang palaran mong numero.

TAURUS – (Abril 20 – Mayo 20) – Niining buwana mahuman na ang imong proyekto sa di pa moabot ang dedlayn. Mohatag kag insentibo sa makugihon mong trabahante. Mouswag pa ang imong paningkamot. Magmanggiluy-on. Talagsaong romansa ang imong matilawan. Suwerte mong adlaw ang Biyernes ug palaran mong numero ang 4, 7, 2.

GEMINI – (Mayo 21 – Hunyo 20) – Makabangon ang naalkanse mong negosyo. Makat-on ka nag leksiyon sa imong mga sayop nga desisyon. Di ka na mokompiyansa sa himoon mong mga lakang. Makatabang sa imong mga igsoon ang ihatag mong hinabang. Tabunok ang romansa. Lunes ang suwerte mong adlaw ug 1, 3, 5 ang palaran mong numero.

CANCER – (Hunyo 21 – Hulyo 22) – Niining buwana mahipno na ang gisugdan mong pagpanukiduki. Dakog ikatabang kini sa imong proyekto. Magmalamposon ka sa imong pagpanglimbasog. Di mo kalimtan ang mga mingtabang kanimo. Di mo kapugngan ang paghangos sa kalami. Suwerte mong adlaw ang Martes ug palaran mong numero ang 2, 8, 6.

LEO – (Hulyo 23 – Agosto 22) – Mahatagan nag solusyon ang giatubang mong problema. Di na madugay maimpas na ang imong mga utang. Makamatngon ka na sa sayop mong hukom. Mahawhawan ang bation mong kamingaw. Magmalungtaron ang kalipay sa sudlan mong relasyon. Sabado ang suwerte mong adlaw ug 4, 9, 3 ang palaran mong numero.

VIRGO – (Agosto 23 – Septiyembre 22) – Niining buwana daghan ang moorder sa bag-o mong disenyo. Makalahutay na ang gitukod mong negosyo. Magmalamposon ka sa natad sa patigayon. Dunggon na ang imong pag-ampo. Di ka malimot sa pagdonar. Matagbawon ang romansa. Suwerte mong adlaw ang Domingo ug palaran mong numero ang 6, 4, 2.

LIBRA – (Septiyembre 23 – Oktubre 22) – Masulbad na ang gumonhap nga nakahasol kanimo. Nakahukom ka na nga biyaan na ang imong mga bisyo. Itingob na ang imong panahon sa pamilya ug trabaho. Aktibo ka nang moapil sa kalihokan sa simbahan. Dugosnon ang romansa. Huybes ang suwerte mong adlaw ug 3, 6, 5 ang palaran mong numero.

SCORPIO – (Oktubre 23 – Nobiyembre 21) – Niiningbuwanamaangkonmonaanggipangandoy mong butang. Dugangan sa imong igsoon ang natigom mong kantidad. Mo-concentrate ka na sa imong pagtuon. Magmalamposon ka sa imong gitinguha. Makapiyong ka sa tumang kalalim. Suwerte mong adlaw ang Martes ug palaran mong numero ang 9, 5, 7.