NAGPAHIBALO RA
Mihunong sa iyang tungod ang traysikol nga gipara ni Digoy.
Drayber: Mosakay ka, Sir? Asa man ka adto?
Digoy: Dili ko mosakay, Dong. Drayber (miaksiyon og kasuko): Unya, nganong mipara man ka?
Digoy: Gipara lang tika para magpahibalo ko nga dili ko mosakay nimo.
Drayber (nasuko na gyod): Buang man diay tingali kang tawhana ka!
Digoy: Nganong masuko man ka og pahibaloon tika nga dili ko mosakay? Kamo bitaw inyo mang hunongan ang pasahero unya pangutan-on mosakay ba sila ug asa sila padulong, dayon igo ra pod mo mobalibad nga dili diay mo pasakay.