ARON DILI ULAW
Derio: Haskang buanga sa nahitabo sa akong pagbiyahe gahapon, uy.
Pedio: Ngano diay, Bay?
Derio: Nanaog ko kadiyot sa akong gisakyan nga bus aron mangihi sa kilid niini.
Pedio: Unsa, nabiyaan ka paglarga ani og balik?
Derio: Wala man nuon. Ang pait kay wala pa ko kahumag pangihi, miabante man ang bus mao nga wala na koy kapasalipdan. Unya, sa tabok sa karsada naa bayay
karinderiya nga daghang tawo.
Pedio: Na, haskan diay nimo kadayag sa daghang tawo? Unsa may imong gisegurog tabon, imong nawong o imong pundiyohan?
Derio: Unsaon nakog tabon sa pundiyohan nga nahinayak pa man og sidlit akong ihi? Akong nawong na lang giseguro nakog tabon para di ko mailhan ug aron dili ko tanto maulawan.