VISPOP: Bag-ong Bisaya Orig nga mga Awit

SA lima ka tuig sukad sa 2012, ang Vispop naghatag og higayon sa mga musikero nga Bisaya sa pagpadungog sa ilang orihinal nga mga awit. Ang mananaog nga mga kanta naglangkob sa “Duyog” ni Jewel Villaflores (2013); “Labyu Langga” ni Jerika Teodorico (2014); “Buwag Balik” ni Lourdes Maglinte (2015); “Paghunas” ni Joseph Gara (2016) ug “Kon Di Pa Ko Buang” ni Chai Fonacier (2017).

Ang bangga nahunong tungod sa mga problema nga gisagubang sa mga organayser, uban na niini ang pandemya. Apan nagpadayon og pagawas ang VISPOP nga mga artista susama nila ni Jacky Chang (“Pero Atik Ra”), Kurt Fick (“Hahaha Hasula”), Wonggoys (“Way ‘Blema”) ug Oh! Caraga (“Ipanumpa Ko”).

Gidawat ang mga entry sa Vispop X hangtud sa Marso 31, 2022 og sa 302 nga nasumiter, dunay 15 nga gipili nga semi-finalist: “Para Natong Duha” (Keith John Quito), “Lakbay (Mary Anchit), “Unsa Kaha?” (Cata Mauria Pama), “Hawid” (John Erscel Galagar), “Hoy Ex!”(Nino Vasquez), “Tago Tago” (John Erscel Galagar, Franzel Kaye Tolentino), “Kinsa Ra Man God Ta”(RJ Ensalada), “Padayon”(Alyssa Ann Baritugo), “Da Vao”(Kent Charcos), “Guwapo”(Ammah Blessed Orgino), “Handomanan” (Aaron Dumagan), “Isayaw Tika” (Mary Anchit), “Sa Makausa” (Jundel Bacalso), ug “Bangon Adlaw” (Ferdinand Aragon).

Pito sa entry gikan sa Sugbo, 4 sa Bohol, 2 sa Davao, 1 sa Finland og 1 sa Senegal.

Sa Hulyo 2, gisibya ni Jewel Villaflores ang unom ka finalist. Niadtong Agosto 27, 2022, dunay bag-ong mga awit nga Bisaya nga gipasundayag sa Vispop X Finals Night sa The Terraces,

Ayala Center Cebu, sa Dakbayan sa Sugbo. Unom ka awit ang nagbangga og ang migawas nga mananaog mao ang “Para Natong Duha” nga sinulat ni Keith John Quito ug gikanta ni Joseph

Gara. Ang first runner-up mao ang “Hawid” ni John Erscel Galagar ug ang second runner-up mao ang “Bangon Adlaw” ni Ferdinand Aragon. Ang uban nga mga finalist mao sila si Mary Anchit (“Isayaw Tika”), FILSCAP Choice; Kent Charcos (“Da Vao”), People’s Choice; ug Paolo Olvido ug Nazareth Actub (“My Baleleng”) nga gikanta ni Mic Kindica.

Sa usa ka interbyu, ang mananaog nga si Quito miingon nga ang iyang awit mahitungod sa usa ka lalaki nga naibog sa babaye, apan ang babaye mora lag igsoon ang pagtagad sa lalaki. Apan naghandom pa gihapon ang lalaki nga higugmaon siya sa babaye, sulti ni Quito dalang ngisi.

Ang mga hurado naglakip nila ni Insoy Ninal sa Missing Filemon, Jerika Teodorico, ug Alex Lim sa Warner Philippines.

Sa wala pa ang Finals Night, ang Top 6 nga mga awit gitokar sa

radyo dili lang sa Sugbo kondili sa New Zealand sa tulumanon B Orig Radio Show. Giinterbyu ang mga finalists sa telebisyon ug gipromot ang mga kanta sa social media.

Nagpunsisok ang mga tawo sa tibuok programa diin dunay espesyal nga mga pasundayag sila si Kurt Fick, Jerika Teodorico, Morissette, Medyo Maldito,

Jacky Chang, James Gulles, Jewel Villaflores ug Oh! Caraga.

“Wala ko magtuo nga moabot niining higayon nga mabalik (ang VISPOP), apan karon ania na mi, lipay kaayo ko,” sulti ni Jude Gitamondoc, ang magtutukod sa VISPOP.

Gipaluyohan ang VISPOP X sa Cebu City Government ug sa Artist Ko Multipurpose Cooperative.

Tungod kay malamposon ang VISPOP X, ingon si Gitamondoc nga ilang giplanohan ang VISPOP Music Festival sa Enero 2023 atol sa Sinulog sa Sugbo. —

Sa usa ka interbyu, ang mananaog nga si Quito miingon nga ang iyang awit mahitungod sa usa ka lalaki nga naibog sa babaye, apan ang babaye mora lag igsoon ang pagtagad sa lalaki. Apan naghandom pa gihapon ang lalaki nga higugmaon siya sa babaye, sulti ni Quito dalang ngisi.