Mirror Of Fortune
(ANG INYONG KAPALARAN SA OKTUBRE 2022)
SAGITTARIUS – (Nobiyembre 22 – Disyembre 21) – Angayng paminawon mo ang tambag sa imong inahan. Kinahanglan ang maayong giya sa kinabuhi. Di gayod angayng pasagdan ang imong pagtungha. Moapil ka na sa kalihokan sa simbahan. Masugamak kag relasyon nga magmalungtaron. Huybes ang suwerte mong adlaw ug 9, 2, 6 ang palaran mong numero.
CAPRICORN – (Disyembre 22 – Enero 19) – Niining buwana masibot kang magbasa sa mga klasikong obra. Mosamot kamalalangon ang imong imahinasyon. Di masundog ang estilo sa imong pagsulat. Mogahin kag higayon sa pagrelaks. Malumay kas maagnihong pahiyom. Suwerte mong adlaw ang Domingo ug palaran mong numero ang 4, 8, 1.
AQUARIUS – (Enero 20 – Pebrero 18) – Mobalik ang kalagsik sa imong panglawas. Sundon mo lang ang gitambag sa doktor. Di ka angayng magpasagad. Kinahanglan nga magpahulay ka human sa makapaugtas nga trabaho. Modungan ka paghangos inigtungas sa himaya. Biyernes ang suwerte mong adlaw ug 3, 7, 2 ang palaran mong numero.
PISCES – (Pebrero 19 – Marso 20) – Niining buwana mahuman na ang giasayn nga trabaho diha kanimo. Makat-on ka nang mobahin sa imong panahon. Dako ang purohan nga maapil ka nga ma-promote. Magmakugihan kanunay. Mapangahason ang aghat sa kahigal. Suwerte mong adlaw ang Miyerkoles ug palaran mong numero ang 1, 9, 5.
ARIES – (Marso 21 – Abril 19) – Makapandol kag kabulahanan sa imong pagpanimpalad. Daling mahanas ka sa bag-o mong makatonang trabaho. Daghang makauyon sa imong batasan. Manglimbasog ka aron wala nay motuboy kanimo. Makadimdim kag talagsaong kalami. Domingo ang suwerte mong adlaw ug 1, 9, 4 ang palaran mong numero.
TAURUS – (Abril 20 – Mayo 20) – Niining buwana magamit mo na ang nakat-onan sa gitambongang pasinati. Ipaambit mo sa uban ang imong kahibalo. Modako ang produksiyon sa imong umahan. Kinahanglan nga mabag-o ang imong diskarte. Matagbawon ang romansa. Suwerte mong adlaw ang Miyerkoles ug palaran mong numero ang 2, 4, 3.
GEMINI – (Mayo 21 – Hunyo 20) – Di mo mataligam-an ang imong obligasyon sa simbahan. Daghan kang makombinser nga kabataan. Angay lang nga malig-on ang ilang pagtuo sa Ginoo. Maggahin kag panahon alang usab sa imong kaugalingon. Madanihon ang imong pahiyom. Lunes ang suwerte mong adlaw ug 5, 7, 6 ang palaran mong numero.
CANCER – (Hunyo 21 – Hulyo 22) – Niining buwana hingpit na ang imong hukom nga manarbaho ka sa abroad. Kinahanglan nga matuman ang gipangandoy mong tukoron nga negosyo. Molampos ka sa imong giplano. Sangpit sa Kahitas-an. Makapaagni ang imong yuhom. Suwerte mong adlaw ang Biyernes ug palaran mong numero ang 3, 9, 4.
LEO – (Hulyo 23 – Agosto 22) – Makakuha ka nag luna sa kasingkasing sa imong gihalaran. Ipadayon ang imong pagka kugihan alang sa masanagong umaabot. Mohatag kag donasyon sa simbahan. Magmalamposon ka sa imong pagtungha. Mapura ka sa kalalim sa romansa. Huybes ang suwerte mong adlaw ug 1, 5, 2 ang palaran mong numero.
VIRGO – (Agosto 23 – Septiyembre 22) – Niining buwana mapiho mo na ang dalan nga imong pagasubayon. Biyaan mo na ang imong mga bisyo. Itingob na ang imong konsentrasyon sa pagtuon. Moapil ka og usa ka outreach program. Mamahid kas singot human sa dula sa kama. Suwerte mong adlaw ang Lunes ug palaran mong numero ang 3, 4, 8.
LIBRA – (Septiyembre 23 – Oktubre 22) – Mopakitag maayong taras ang imong ugangan. Ipadayon ang imong pagbinuotan aron makabig mo ang maayong pagtagad sa kaliwat sa imong kapikas. Hatagan mog higayon ang kalihokang relihiyoso. Makapaugtas ang talagsaong himaya. Sabado ang suwerte mong adlaw ug 8, 2, 6 ang palaran mong numero.
SCORPIO – (Oktubre 23 – Nobiyembre 21) – Niining buwana makapahigayon kag kalihokan nga makatabang sa kabatan-onan. Maayo kining paagi aron malikay sila sa mga bisyo. Dako kag ikatabang nga molambo ang inyong komunidad. Maggukod kas gininhawa human sa katagbaw. Suwerte mong adlaw ang Martes ug palaran mong numero ang 7, 5, 3.