MGA LIBAKERONG BISDAK

Dihay grupo sa mga batan-ong Bisaya nga nageskuyla sa Manila. Usa ka adlaw niana, nanakay silang dyip padulong sa unibersidad. Nagsalig nga pulos Tagalog ang mga pasahero ug dili kasabot og Binisaya, nagkalingaw silag panglibak sa ubang pasahero nga ilang kasakay.

Sa unahan, dihay babayeng pasahero nga misakay ug didto milingkod sa sulod nga bahin sa dyip. Miingon dayon ang usa sa mga esudyanteng Bisaya, “Matay, Bay, luoya sab tawon anang bayhana, uy.” Misanong ang usa nila ka kauban, “Bitaw, nindot untag lawas pero pastilan pod

batia og nawong ba.” Minghugyaw sila og pangatawa.

Pagkataudtaod, mipara ang babaye nga ilang gilibak. Sa pag-agi tungod sa mga esudyante sa dayon niining kanaog, misulti ang babaye, “Tabi usa kay moagi ang bati og nawong, ha? Laina pod ninyo mangunay man mog libak sa isigkaBisaya.”

Nanglipaghong ang magbarkada.