Pahimangno Gikan sa Mga Di-Ingon-Nato Diras IT Park

“ayaw pagpaka-trivial”

sungog sa ornamental tree atbang sa sementong sam-ang sa mga zeroes anang bank account. Ang espasyo sa kinulit nga gate sa condo padayong magmabinantayon sa hangin nga lusot-gawas ug ang katahom sa ilang opinyon manganak og kalibotanong pagtagad

Ayaw lagi pagpaka-trivial segun pa sa sonata sa ga-beep-beep nga metal detector kilid sa guwardiya ug tiyabaw sa empleyadong di pasudlon tungod anang occupancy rate.

Dili pa oras apan namaghot na ang kimera sa bitin, iro, iring, ilaga, ug maya sulod sa akong mental zoo.

Nagpanilap na ang tinta sa bolpen galaway sa maangkon niyang blangko bahalag kinumot nga papel ang kataposan. Basta, basta dili ta trivial.