Jhane Santiaguel,

excited ug proud sa pelikulang “Buskay”

DUHA ka tuig ang nakalabay, sa paghinandas sa pandemic nga dala sa malaglagong corona virus, desidido na si Jhane Santiaguel nga mag-focus sa iyang business ug biyaan o mopahuway una sa showbiz.

Obsessions by MJS (Mary Jane Santiaguel), nga usa ka liptint brand ang gitukod niyang negosyo. Ang rason kuno: obsessed siya sa liptint. Sa pagkakaron, aduna na siyay tigpang-apod-apod niini sa lainlaing suok sa nasod.

“Kasagsagan ng pandemic iyon when I started sa Liptint ‘yung Obsessions na brand ko. Ngayon po ay mayroon na siyang other cosmetics at may skin care na rin po,” padayag sa aktres.

Gipahayag pa ni Jhane nga bisan tuod naglisod siya sa paghimo sa patigayon niadtong nagsugod pa lang siya tungod sa malisod nga mga restrictions ilabi na sa shipping sa mga produkto tungod lagi sa pandemic, labihan gihapon ang iyang kalipay tungod kay damgo man gayod sa aktres/dancer nga makabaton og kaugalingong brand.

Unang nailhan si Jhane isip sakop sa Mocha Girls, nalakbitan niya ang nahitabo niya human makabiya sa grupo ni Mocha Uson.

“Nag-stop po ako showbiz ng three years, then kakabalik ko lang then nag-meet kami ni Nanay Lito (de Guzman) and per project lang sa AQ Prime po ang contract namin ni Nanay Lito.

“Nang umalis po ako sa grupo, tuloy pa rin sila… then ako po ay nag-explore ako sa modelling at nag-ibang bansa,”

paghandom ni Jhane.

Matod pa niya, “Uhm… opo nagka-boyfriend po ako sa Palawan, then dapat magse-settle down na po sana ako and mamuhay ng simple. Kaya lang po ay hindi po nag -work (yung relasyon namin) pero friends naman po kami. Bumalik po ako ulit sa showbiz para gawin po ulit ang passion ko.”

Sa pagkakaron, mibalik na gyod siya sa showbiz ug excited ug proud ang aktres sa bag-ong pelikula niya nga giulohan og “Buskay”.

“Itong ‘Buskay’ movie mula AQ Prime, ang role ko po rito ay mapagmahal na parang rebelde ang character

“Cast po rito is Krista Miller na sister ko siya rito, si Mark McMahon na partner ko naman, at Juan Calma. Ang direktor po namin ay si Direk Bong Alejandro Mirasol Ramos,” saysay ni Jhane.

Nahisgotan usab ni Jhane nga sa pelikulang “Buskay” nga aduna na siyay gihimo isip aktres nga first time

pa lang niyang nasinati.

“Grabe po ang ‘Buskay’, mayroon po akong ginawa rito na first time ko lang ginawa ever.

“Ang ibig pong sabihin ng buskay, it’s is a shell po siya na ibinebenta.”

Paapas pa niya,

“First film ko pa lang po ito sa AQ Prime and kailangan nyo pong abangan ang movie namin, kasi grabe ang drama rito, napakaganda ng story by Direk Bong

Alejandro Mirasol and Direk

Abet Pagdagdagan Raz… iba talaga ang story nito, ang ganda!”

Samtang, nahisgotan sa aktres nga ang pelikulang “Mamanggi” ni Direk Romm Burlat ang labing halandomomn nga movie ni Jhane. “Na-nominate po ako roon as Best Actress sa Juan Festival, mahalaga na po sa akin ‘yun, kahit ma-nominate lang, he-he-he!”

Matod pa niya, “Malaking bagay po ‘yun sa akin bilang artista na mapansin ang acting ko. Three years ago na po ito halos at girlfriend po ako ni

Ron Macapagal sa movie.”

Unsa ba diay ang gipangandoy niyang mahitabo sa iyang showbiz career?

Matod ni Jhane, “For my career, I hope na mas mag-grow pa ako rito sa mga naibibigay sa aking role. And sana in the future ay magkaroon ako ng action film naman, ha-ha-ha!” —

ANG kit lens o starter photography lens usa sa basic zoom lens nga adunay moderate wide angle ug moderate telephoto focal range. Kasagaran kining apil na sa mapalit nga mga interchangeable-lens camera nga sama sa single-lens reflex camera (SLR) ingon man sa mirrorless camera. Ang kit lens ang labing baratong camera lens nga mapalit sa talay sa lainlaing lente sa potograpiya maong kini sab ang kasagarang kalakip sa kasagaran natong pamaliton nga kamera. Package deal sa laing pagkasulti.

Adunay stigma pag-abot sa kit lenses. Una, tungod kay kini barato ra kaayo, gama kini sa plastik ug dili maayo ang salamin sa lente niini. Gawas pa niini, dili kaayo wide aperture ang mga kit lens ug labihan kayamtakan ang autofocus niini.

Apan igo na ba ang kit lens aron makakuha og de kalidad nga mga hulagway kun bidyo? Sa akong kasinatian isip retratista, oo. Bisan tuod kon may mga babag pag-abot sa kit lens, ang akong pagtuo ug base sa akong personal nga kasinatian sa pagkuha og mga hulagway ilabi na sa portrait photography, wala kini sa mahalon nga mga ginamiton nga imong gipanag-iya, anaa kini sa mismong tawo nga naggamit sa mga hiramenta.

Dili man gyod tanan ang makapalit dihadiha og mahalong mga ginamiton sa potograpiya. Adunay uban diha nga nagsalig lang kon unsa ang maabot sa ilang badyet. Walay daotan niana ilabi na kon nagsugod-sugod pa lang sa pagpanguha og hulagway. Hunahunaon nga sa dili pa mamallit og mahalong mga ginamiton sa pagpanghulagway ug sa dili pa mokuha og maayo ug desenteng hulagway, mas maayong hinasa na kita sa mga batakang paggamit sa mga teknika sa pagpanghulagway sama sa exposure, shutter speed, aperture, ISO, focusing, sharpness, white balance ug depth of field.

Sa higayon nga makat-onan na ang mga batakan, ayha pa isulod ang pagka malalangon sa pagkuha og hulagway sa lainlaing matang sa potograpiya.

Apan miabot usab ang higayon nga misuway ako og laing matang sa lente. Gihimo ko kini dili tungod kay ako nang gisalibay o kaha gihulipan ang kit lens nga akong gigamit kondili idugang lang sa lente nga anaa na kanako. Niadtong mga panahona, dili pa gihapon maabot sa akong badyet ang mas mahalon nga mga lente. Apan walay kaso. Nanukiduki ako kon unsa ang alternatibong baratohon nga lente nga mahimo nakong gamiton aron mas mapatahom pa ang mga hulagway nga akong makuha.