Mirror Of Fortune

(ANG INYONG KAPALARAN SA AGOSTO 2023)

SAGITTARIUS – (Nobiyembre 22 – Disyembre 21) – Protektahan mo ang imong reputasyon. Ayaw pahaylo sa matam-is nga mga sinultihan. Di ka angay molugak sa imong baroganan. Moabot ra ang maayong kahigayonan kanimo. Di mo kabalibaran ang maaghatong pahiyom sa mahal mo. Lunes ang suwerte mong adlaw ug 4, 6, 8 ang palaran mong numero.

CAPRICORN – (Disyembre 22 – Enero 19) – Niining bulana modaghan ang madawat mong order sa imong bag-ong produkto. Mogahin kag salapi nga idonar sa simbahan. May panahon kang maglingaw-lingaw bisan libang ka sa daghang trabaho. Matagbawon ang romansa. Suwerte mong adlaw ang Miyerkoles ug palaran mong numero ang 9, 3, 1.

AQUARIUS – (Enero 20 – Pebrero 18) – Motambong ka sa usa ka panagtigom. Daghang mosuportar sa imong suhestiyon. Di ka mohikaw sa imong hinabang alang sa mga kabos. Magpadayon kang magserbisyo sa komunidad. Di ka makalikay sa mahagitong pasiplat. Domingo ang suwerte mong adlaw ug 4, 8, 2 ang palaran mong numero.

PISCES – (Pebrero 19 – Marso 20) – Niining bulana may moduol kanimo nga mangayog tambag. Makatabang ka sa iyang giatubang nga suliran. Magmatngon ka lang kay basig malingla ka. Makapahimulos ka na sa imong kakugi. Makapahangos ang salohang himaya. Martes ang suwerte mong adlaw ug 3, 9, 6 ang palaran mong numero.

ARIES – (Marso 21 – Abril 19) – Niining bulana madawat ka na sa giaplayan mong trabaho. Matuman na gayod ang imong gipangandoy nga makapadayon sa pag-eskuyla. Bahinon mo ang imong panahon sa pagtrabaho ug pag-eskuyla. Dugosnon ang romansa. Suwerte mong adlaw ang Biyernes ug palaran mong numero ang 7, 2, 5.

TAURUS – (Abril 20 – Mayo 20) – Di mapiog ang ipakanaog mong desisyon. Di ka maapektohan sa mga yawit sa imong kadugo. Magmalamposon ka ra human sa imong mga pag-antos. Dako ang purohan nga makatrabaho ka sa abroad. Makapaursa sa kahinam ang pahiyom. Huybes ang suwerte mong adlaw ug 2, 6, 4 ang palaran mong numero.

GEMINI – (Mayo 21 – Hunyo 20) – Motaak ka sa bag-ong dalan sa pakigbisog. Masugdan na ang imong proyekto. Di ka molugak sa imong pangandoy sa kinabuhi. Way makababag sa imong maayong laraw. Makigkita ka sa batid sa panguma. Eksayting ang imong love affair. Miyerkoles ang suwerte mong adlaw ug 7, 3, 4 ang palaran mong numero.

CANCER – (Hunyo 21 – Hulyo 22) – Niining bulana mapangitaan mog solusyon ang imong suliran. Ipadayon mo ang imong pag-inventory sa tindahan. Moboluntaryo ka sa usa ka proyektong pangkomunidad. Talagsaong romansa ang makapatabisay sa imong laway. Suwerte mong adlaw ang Sabado ug palaran mong numero ang 5, 3, 8.

LEO – (Hulyo 23 – Agosto 22) –

Gamitan mog diplomasya ang motulibagbag sa imong panahom. Mahan-ay ra ang nagkasalinggubot mong eskedyul. Makasulat kag talagsaong obra bisan sa daghan mong gimbuhaton. Magmamugnaon. Di mo malimtan ang dugosnong panagdulog. Biyernes ang suwerte mong adlaw ug 7, 2, 5 ang palaran mong numero.

VIRGO – (Agosto 23 – Septiyembre 22) – Niining bulana molikay ka sa way hinungdang argumento. Mahawhawan na ang gibati mong pamaol. Ikapahungaw na ang imong kahiubos. Di ka na motugbang sa mga tsismis. Makasinati kag lahing abentura sa natad sa gugma. Suwerte mong adlaw ang Martes ug palaran mong numero ang 1, 9, 4.

LIBRA – (Septiyembre 23 – Oktubre 22) – Makugang ka sa kalit nga pagbutho sa imong suod nga higala. Way abiso nga moabot siya gikan sa abroad. Hayan moasenso ang gitukod mong negosyo. Nagkinahanglan kag pahulay ug dibersiyon. Maagnihon ang imong tinan-awan. Domingo ang suwerte mong adlaw ug 6, 5, 3 ang palaran mong numero.

SCORPIO – (Oktubre 23 – Nobiyembre 21) – Niining bulana makatrabaho ka nag maayo. Kinahanglan nga magmatngon ka na sa imong lawas. Sundon ang gitambag sa doktor. Di ka na magpaapekto sa mga suliran sa palibot. Masabtan mo ang lahing kusi sa kahidlaw. Suwerte mong adlaw ang Huybes ug palaran mong numero ang 8, 2, 7.