Mirror Of Fortune
(ANG INYONG KAPALARAN SA ENERO 2024)
SAGITTARIUS – (Nobiyembre 22 – Disyembre 21) – Pahimatngoni ang imong anak nga di mokuyog sa mga badlongong kabarkada. Pantona siya pinaagi sa paggamit og diplomasya. Makalampos ra unya siya sa iyang pagtuon. Lahing abentura sa gugma ang imong masinati. Domingo ang suwerte mong adlaw ug 5, 8, 3 ang palaran mong numero.
CAPRICORN – (Disyembre 22 – Enero 19) – Niining bulana paninguhaon mong matigayon ang negosasyon. Dako kinig ikatabang sa mga kabos. Ayaw paglunga sa pagpakigbisog. Dako og indulhensiya ang pagtabang sa uban. Makapalingkuwat sa kahinam ang mainitong mga halok. Suwerte mong adlaw ang Lunes ug palaran mong numero ang 2, 1, 4.
AQUARIUS – (Enero 20 – Pebrero 18) – Masulbad na ang suliran nga nakahasol kanimo. Mopaundayon ang kahigayonan sa imong pangandoy. Di ka lang magpaanod sa imong emosyon. Magmalamposon ang imong anak nga tua sa abroad. Maanod ka sa aghat sa kamingaw. Martes ang suwerte mong adlaw ug 9, 3, 7 ang palaran mong numero.
PISCES – (Pebrero 19 – Marso 20) – Niining bulana madasigon kang moapil sa kalihokan sa simbahan. Masugdan na ang bag-o mong proyekto human maplantsa ang detalye sa kontrata. Di ka malimot pagpasalamat sa Ginoo. Maganoy ka sa mahadlaong pasiplat. Suwerte mong adlaw ang Huybes ug palaran mong numero ang 6, 5, 8.
ARIES – (Marso 21 – Abril 19) – Di ka mohikaw sa pagtabang sa mga kabos. Apan mas maayo nga tudloan mong makamaong magtrabaho kaysa kanunayng tunolan. Daghan ang makamatikod sa tinagoan mong abilidad. Makapapiyong ang dugosnong himaya nga masinati. Biyernes ang suwerte mong adlaw ug 4, 7, 3 ang palaran mong numero.
TAURUS – (Abril 20 – Mayo 20) – Niining bulana madasigon kang mag-asikaso sa daghang nataligam-ang trabaho. Mobalik ang kalagsik sa imong panglawas. Motaas gihapon ang imong performance rating. Makapatabisay sa laway ang dugosnong romansa. Domingo ang suwerte mong adlaw ug 5, 6, 9 ang palaran mong numero.
GEMINI – (Mayo 21 – Hunyo 20) – Motaak ka sa bag-ong dalan sa pakigbisog. Masugdan na ang imong proyekto. Di ka molugak sa imong pangandoy sa kinabuhi. Way makababag sa imong maayong laraw. Makigkita ka sa batid sa panguma. Eksayting ang imong love affair. Miyerkoles ang suwerte mong adlaw ug 7, 3, 4 ang palaran mong numero.
CANCER – (Hunyo 21 – Hulyo 22) – Niining bulana mahapsay na ang dagan sa imong panglihok-lihok. Mahanaw na ang kahingawa nga miulipon sa imong panghunahuna. Mosangpit ka lang kanunay sa Ginoo. Mabayaran na ang imong utang. Tugbangan mo ang dalit sa romansa. Suwerte mong adlaw ang Lunes ug palaran mong numero ang 3, 7, 5.
LEO – (Hulyo 23 – Agosto 22) – Mapuslan mo ra ang mahipos mong kasayoran. Magamit mo kini sa imong panukiduki. Dako kag ikatabang sa gipasiugdahang kalihokang tsaritabol. Magmalamposon ka sa imong pagtuon. Pahinuntan mo ang imong gitipigang kahidlaw. Sabado ang suwerte mong adlaw ug 6, 1, 4 ang palaran mong numero.
VIRGO – (Agosto 23 – Septiyembre 22) – Niining bulana makahatag ka nag konklusyon dihas imong hunahuna. Madugtong mo na ang mga kutay sa mga panghitabo. Di mo angayng palabyon ang maong sitwasyon. Moganansiya ang imong puhunan. Matagbawon ang romansa. Suwerte mong adlaw ang Martes ug palaran mong numero ang 2, 6, 8.
LIBRA – (Septiyembre 23 – Oktubre 22) – Adunay makigkita nga makatabang kanimo. Tun-an mo ang iyang proposal aron di ka masugamak sa kaalaotan. Dili tanang ayuda makahatag og kaayohan. Ayaw saligi kanunay ang usa ka panaad. Lahing kalalim sa romansa ang matilawan. Biyernes ang suwerte mong adlaw ug 1, 6, 2 ang palaran mong numero.
SCORPIO – (Oktubre 23 – Nobiyembre 21) – Niining bulana makamatikod kag laing linihokan sa imong kamanghoran. Pakigsultihan mo siya kon unsay hinungdan. Hatagig solusyon dayon ang usa ka problema aron di makomplikado. Di mo kapugngan ang kusi sa kahidlaw. Suwerte mong adlaw ang Huybes ug palaran mong numero ang 4, 9, 8.