(ANG INYONG KAPALARAN SA PEBRERO 2024)
SAGITTARIUS – (Nobiyembre 22 – Disyembre 21) –
Mabalik ang kalagsik sa imong panglawas. Di ka na magpatuyang sa pagtrabaho. Sundon mo ang gitambag sa doktor. Palabyon mo lang ang mga pagsaway. Mokuyog ka na sa pagsimba. Kusog ang imong sex appeal. Martes ang suwerte mong adlaw ug 2, 5, 4 ang palaran mong numero.
CAPRICORN – (Disyembre 22 – Enero 19) –
Niining bulana daghan ang makamatikod sa lahing awra sa imong personalidad. Dali kang makakombensir sa imong isigkaingon. Motaas ang lebel sa imong enerhiya. Makahimamat kag binuhat nga imong ikarelasyon. Suwerte mong adlaw ang Biyernes ug palaran mong numero ang 1, 4, 8.
AQUARIUS – (Enero 20 – Pebrero 18) –
Doblehon mo ang imong pagpaningkamot. Debuynas ka sa pamatigayon. Makaganansiya kag maayo sa bag-o mong produkto. Modaghan ang imong mga suki. Modonar ka sa simbahan. Makahibalag kag romantikanhong relasyon. Miyerkoles ang suwerte mong adlaw ug 6, 9, 5 ang palaran mong numero.
PISCES – (Pebrero 19 – Marso 20) –
Niining bulana makakat-on kag lahing pamaagi sa panguma. Ipaambit mo ang imong kahibalo sa uban. Moasenso ka sa imong pagkugi. Di mo palabyon ang talagsaong kahigayonan. Masumok kag relasyon nga magmalungtaron. Suwerte mong adlaw ang Domingo ug palaran mong numero ang 8, 7, 9.
ARIES – (Marso 21 – Abril 19) –
Mosakdop sa imong handurawan ang masadyaong nangagi. Makaagik-ik ka sa hilom samtang naghanduraw. Madasigon kang magtrabaho alang sa kabulahanan. Di mapiog ang ipakanaog mong desisyon. Lahing romansa ang masinati. Sabado ang suwerte mong adlaw ug 7, 1, 3 ang palaran mong numero.
TAURUS – (Abril 20 – Mayo 20) –
Niining bulana moapil ka sa relihiyosong kalihokan. Daghan ang makamatikod sa bag-o mong gawi. Lahi na ang dagan sa imong panimuyo. Nagkauliay na sa maayong kabubut-on nga nagkabingkil. Ikapahungaw na ang imong pagbati. Suwerte mong adlaw ang Huybes ug palaran mong numero ang 4, 6, 8.
GEMINI – (Mayo 21 – Hunyo 20) –
Alingahon mo ang bag-o mong asaynment sa trabaho. Dali mong ikasinabot ang bag-o mong kauban. Mohatag kag hinabang sa imong igsoon. Di mo lung-an nga makab-ot ang imong gipangandoy. Makawiwili ang dalit sa romansa. Biyernes ang suwerte mong adlaw ug 2, 5, 7 ang palaran mong numero.
CANCER – (Hunyo 21 – Hulyo 22) –
Niining bulana dako ang purohan nga mahinayon ang imong paglarga sa abroad. Masulbad na gayod ang imong problemang pinansiyal. Magpasalamat kas Ginoo nga wa ka pasagdi. Magpabilin ang kamainiton sa pagminahalay. Suwerte mong adlaw ang Lunes ug palaran mong numero ang 6, 9, 1.
LEO – (Hulyo 23 – Agosto 22) –
Maugmad ang imong tinagoan nga abilidad. Dako ang purohan nga makakita kag ekstrang trabaho. Way makapugong sa maayong kahigayonan nga umaabot sa imong kinabuhi. Salig lamang sa Kahitas-an. Matagbawon ang romansa. Martes ang suwerte mong adlaw ug 8, 5, 4 ang palaran mong numero.
VIRGO – (Agosto 23 – Septiyembre 22) –
Niining bulana masugdan na ang bag-o mong proyekto. Daghan kag matabangan nga makatrabaho sa imong kontrata. Mogahin kag panahon alang sa simbahan. Di mo malimtan sa pagpasalamat. Kusog ang imong karisma. Suwerte mong adlaw ang Sabado ug palaran mong numero ang 9, 6, 2.
LIBRA – (Septiyembre 23 – Oktubre 22) –
Makalingkawas ka na sa imong obligasyon. Mabayaran na ang imong mga utang. Magbadyet ka na sa imong kinitaan. Lisod na kon adunay moabot nga kabilinggan sa panglawas. Di ka makabalibad sa imong kapikas. Domingo ang suwerte mong adlaw ug 7, 2, 3 ang palaran mong numero.
SCORPIO – (Oktubre 23 – Nobiyembre 21) –
Niining bulana mopaundayon ang paborableng kahigayonan sa imong pagpaninguha. Mahuman ang imong proyekto sa di pa moabot ang dedlayn. Magmatinud-anon ka sa imong gisaad. Makapiyong kas lahing kalalim sa romansa. Suwerte mong adlaw ang Lunes ug palaran mong numero ang 9, 5, 3.