Usa ka Panahon sa Kinabuhi ni Deuteronomeo Lazarus
To everything there is a season…. --Ecclesiastes (3: 1)
(Anib8)
ANG akong sayo nga impresyon nga kon si Barabbas Bardon milampos man pagterorismo kanako ug sa akong fishpondsmismo,kinitungod kay ako wala may pangandam ug walay gihimo aron pagpangandam kon may mga contingency o dagkong mga kakulian nga modangat sa akong proyekto. Ang sayo nga warningniIgne Ogsimar walay igong kusog aron pagtukmod kanako paghimog mga pangandam: tingali tungod kay kini hanap ra man kaayo ug ang terorismo mismo walay tatawngdagway sa likod sa akong kaisipan.
Tinuod dihay mga proteksiyon nga akong gihimo apan ang nakademalaskay ang tanan akong gisentro sa akong kaugalingon lamang.Mao ray akong nakita ang akong kaugalingon! Hesusmaryosep! Ang irony kay ang dakong hulga diay naglandong na sa akong mga fishpond—wala sa akong kaugalingon! Ug wala koy igo ug hustong kasayoran nga magamit aron pag-neutralize ning maong hulga.
Hapit dili ko mapasaylo ang akong kaugalingonning dako kong pagkabalingag!
Apan sagiingon ko na, kining pag-raid ni Barabbas Bardon sa akong mga fishpondmaoy sinugdanan sa iyang kataposan….
Of course, wa ko magkomedya sa pag-ingon ko niini!
Sa mingsunod nga mga adlaw way laing nasulod sa akong ulo gawas sa pagpangitag mga paagi unsaon pagkuha si Barabbas Bardon. Gitunan ko ang iyang mga lihok sa samang higayon nga gilig-on ko ang akong pundok aron pagharong kaniyasa inatubangay kon moabot na ang hustong higayon!
Ug sa akong kahiladman nahimugso ang panganti: nga hangtod dili ko makuha si Barabbas Bardon di ko mopahulay pagpangita kaniya.
Apan usahay, ang inisyal nga kalihokan gikinahanglan aron pagtagbaw sa among nagluhag nga tinguha sa panimalos ug pagpatuo sa among kaugalingon nga kami may katakos pagkab-ot sa among katuyoan!
And we did just that!
Paminaw….
DILI sayon kuhaon si Barabbas Bardon.Kanunay siyang magbalhinbalhin sa lainlaing dapit nga duna siyay mga kontak ug mga operative. Wala siyay schedule nga gisunod.
Apan si Col. Marco Ravoi nga hepe kanhi sa intelligence sa Mindanao Command, midesinyo kanamo ug usa ka yano nga network sa informal informants nga iyang gibase sa mga barangay, sa mga coastal town, sa mga urban center ug sa hilit nga mga sityo nga duol sa kalasangan. Unya among nahibaw-an gikan kang Col. Ravoi mismo nga si Barabbas Bardon dili maka-operate sa mga dapit sa Mindanao nga may heavy population sa mga Muslim (sama sa mga probinsiya sa Lanao, Agusan, Jolo, ubp.) kay ang panuway gipangita usab diay kuno didto. Ang mga lider sa mga Muslim nanganti usab nga kon ilang makita si Barabbas Bardon ila kining putlan sa liog.
Gikan kang Col. Ravoi usab among nahibaw-an nga ang dakong patongsa ulo ni Barabbas Bardon gisugyot sa iyang higala nga on active duty pa ug consideredbright boysa kasundalohan saWestern Mindanao Command. Ang dakong patong may sekretong tuyo: nga pinaagi niini usa sa mga tawo ni Barabbas Bardon mao ray mokuha kaniya kay matental man sa dakong kantidad. Kini may dakong posibilidad nga mahitabo kay kadaghanan sa tawo ni Barabbas Bardon dili man tinuod nga mga sundalo.
Apan si Barabbas Bardon nakamatngon diay ning maong posibilidad.Isip usa ka commanding officer kanhi, sinati niya ang mutiny, busa giprangkahan niya ang iyang mga tawo ngasi bisan kinsang mosulay o nagplano sa pagkuha kaniya, makatilaw dayon sa sakit nga silot with extreme prejudice!
Way nakatingog.Ang uban nagpasangil lang og trapo-trapo sa ilang armalite.
Apan ang tataw nga epekto sa patong namatikdan dayon sa kadaghanan: si Barabbas Bardon naglisod na pag-operate kay kanunayng gigukod sa kasundalohan. Nagkadaghan ang mga tawong mingbulag sa iyang grupo kay wa na makaagwanta sa pagsige nila og
dagan sa hilan nga kalasangan. Nagkahiyos ang iyang grupo sumalasa ginagmayng mga taho sa among intelligence network.Ug naglisod si Barabbas Bardon paghulip sa mga tawong nangawala kaniya kay ang ordinaryong mga kriminal nangahadlokman nga mapagan sila sa nagkalisod nga kahimtang ni Barabbas Bardon. Kining mong kalamboan gisunod ko kanunay.
Tungod niining paghigpit sa mga kalihokan ni Barabbas Bardon, ang uban niyang mga tawo napugos na lang pag-operatenga way pagtugot sa ‘Sigbin.’Mao kiniy kanunay kong gibantayan.
Sa dihang akong nahibaw-an, pananglitan, nga may tulo ka tawo si Barabbas Bardon nga nangawat og mga baka sa Dadiangas,gipahimuslan ko dayon kini. Ug kuyog sa akong mga tawo ug sa tag-iya sa mga baka nga nagpangaon usab og kalayo sa kalagot, among gidis-armahan ang tulo ka sakop ni Barabbas Bardon ug gitabangan pagkulata: kanang kulata nga wa gyoy pugong-pugong.
Way nakalihoksamga tawo ni Barabbas Bardon tungod sa kahikugang sa kalit namong pagtunga nga nagtion nang daan kanila sa among .45 ug shotgun. Dili sila makatuo nga may mangahas pagsukol kanila: sila nga gikalisangan sa tibuok Mindanao.
Gikuha dayon sa akong mga tawo ang mga armalite sa mga sakop ni Barabbas ug gikalingawan pag-inspection.
Si Upaw nga nakahimungawongkanako, mikatawa-katawag kadiyotug mipikpik sa akong abaga. ‘Komosta, Bay,’ niya pa.‘Dugaya na natong wa magkita, uy.’
‘Porbida, hangtod karon, Bay, wa pa ko maka-recover sa akong dakong demalas tungod ninyo,’ tubag ko.
‘Ayaw nag hunahunaa, Bay. Ang importante nga buhi pa ta ug may daghan pang mahimo sa kalibotan.’
‘Bitaw. Sama niini, pananglitan…’ ug gikalitankog bunal sashotgun ang baba ni Upaw.Nahilukapa siUpawsa yuta ug mitutok kanako sa mga matang wala makasabot. Gisenyasan ko ang akong mga tawo ug gitambog dayon siya sa kimba nga buhi pa.Makalilisang ang iyang siyagit.Gisunod namo pagtambog sa kimba ang duha pa ka kauban ni Upaw. Laing mga siyagit milanog sa kamingawan. Apan ang mga siyagit sa kamatayon wala mosurop sa akong kaunoran ug kabukogan kay dali raman kining gipatay sa kalayo sa kapungot nga nagdilaab pa sa akong kahiladman.
ANG kalamposan sa among unang kalihokan pagpanimalos nakapalig-on ug dako sa among kompiyansa sa kaugalingon nga molampos kami sa among katuyoan.
Apan ang among inisyal nga kalamposan sa Dadiangas nagtudlo kanamo og mahinungdanong leksiyon: nga si Barabbas Bardon mas daling mapukan kon hinay-hinayan lang og hasi pinaagi sa ginagmayng engagement.
Si Col. Ravoi mismo kanunayng nagpahinumdom kanamo nga si Barabbas Bardon lisod lupigon sahead-oncollisiono direct engagement. Kinahanglang mga sundalo gyong tinuod nga suheto sacombat operationssa kalasangan ang mo-engage kaniya aron siya may purohangmapuhag.
Lisod lupigon ang fire powerni Barabbas Bardon. Ngilngig lagi kaayo ang iyang mga armas nga gikan pa saarmory sa kasundalohan.Sa dihang mibiya god si Barabbas Bardon ug ang iyang mga tawo sa active duty, wa man nila ipanguli ang ilang mga armas. Gidala nila ang tanan nilang armas ug nangawat pa gyod silaog dugang sa armory sa kampo sa kasundalohan sa Amihanang Mindanao.
‘Ang yawe sa pagbuntog kang Barabbas Bardon mao ang guerilla warfare,’miingon si Col. Ravoi. ‘Hasionlang ninyoang gagmayng grupo sa mga operativesni Barabbas Bardon. And hit them when they are most vulnerable.’
Gibahin ko usab dayon sa gagmayng mga grupo ang akong mga tawo. Ang matag grupo, nga maytulo lang ka sakop, daling makalihok kon ipadala sa bisan diing dapit sa Mindanao. Gawas pa usab, pinaagi niini, among malikayan ang dagkongcasualtieskon mopalpak man ang among gitakdang operations.
UNYA usa ka laay nga adlaw sa berano, among nabalitaan gikan sa among network of informants,nga may duha ka patayng lawas nga napalgan sa sidsid sa banana plantationsa Dadiangas. Ang patayng mga lawas giputoslang sa binandahang sako sa kopras:ang ilang mga ulo pulos may agi sa bala sa agtang. Ang mga bala didto mogula sa tangkugo sa duhahinungdan sa maayong pagkaguhab niini.
Gikan sa among informants sa hilit nga mga dapit, among nahibawan nga ang duha pulos mga tawo ni Barabbas Bardon. Ang duha nahiagom sa mabangis nga mga kamot ni Barabbas mismo, ang taho nag-ingon.Tingali misulay sila pagluib kang Barabbas kay natental sa P3 milyones nga ganti sa ulo sa ‘Sigbin’ sa Mindanao: ilabi na karon nga nagsige na lang silag dagan sa makuyawng kalasangan sa Mindanaoaron paglikay sa naggukod kanila.
(PADAYONON)
May estratehiya sila unsaon pagpuhag ang grupo ni Barabbas Bardon. Kini maoy sugyot ni Col. Ravoi…