(ANG INYONG KAPALARAN SA MARSO 2024)
SAGITTARIUS – (Nobiyembre 22 – Disyembre
21) – Motingob ka nag panahon sa imong pagtuon. Magmalamposon kas imong pagpaninguha. Makalingkawas ka na unya sa kapit-os. Way makababag sa imong pangandoy. Makahangos sa labihan nga kalalim. Sabado ang suwerte mong adlaw ug 8, 4, 5 ang palaran mong numero.
CAPRICORN – (Disyembre 22 – Enero 19)
– Niining bulana may motanyag kanimo nga lisod mong kabalibaran. Apan pagmatngon kay basig masulod ka sa laang. Tun-an mog maayo ang detalye sa ihat-ad nga proposal. Magmanggihatagon. Dugosnon ang salohang romansa. Suwerte mong adlaw ang Martes ug palaran mong numero ang 3, 6, 2.
AQUARIUS – (Enero 20 – Pebrero 18) –
Makalingkawas ka na sa giatubang mong problema. Kinahanglan nga makamao ka nang magbadyet sa imong kinitaan. Dawaton mo na ang gitanyag nga ekstrang trabaho. Motambong ka na sa misa. Maaghaton ang dalit sa kidhat. Biyernes ang suwerte mong adlaw ug 1, 4, 7 ang palaran mong numero.
PISCES – (Pebrero 19 – Marso 20) – Niining bulana daghan ang mohugop sa imong kinasingkasing nga pag-awhag. Lakip ang kabatan-onan madasig sa imong pagpasabot. Magpadayon ka sa imong outreach program. Makatagamtam kag lahing kalalim sa himaya. Suwerte mong adlaw ang Lunes ug palaran mong numero ang 2, 5, 8.
ARIES – (Marso 21 – Abril 19) – Way makapakgang sa bulawanon mong tinguha sa pagtabang sa mga kabos. Magpadayon ka gihapon sa imong pagtuon bisan daghan kag asikasohon. Makapahimuot ang madawat mong balita. Tugbangan mo ang talagsaong dalit sa romansa. Huybes ang suwerte mong adlaw ug 3, 9, 6 ang palaran mong numero.
TAURUS – (Abril 20 – Mayo 20) –
Niining bulana makabaton kag kalinaw sa panghunahuna. Di ka na angayng mahingawa sa imong umaabot. Paborable ang kahigayonan nga mobulig kanimo. Dunggon na sa Kahitasan ang imong pag-ampo. Tabunokon ang romansa. Suwerte mong adlaw ang Domingo ug palaran mong numero ang 4, 3, 2.
GEMINI – (Mayo 21 – Hunyo 20) – Makalipay ang itahong resulta sa paghiling sa doktor kanimo. Ipadayon mo ang pagtabang sa nanginahanglan. Unahon mo sa pag-asikaso ang mga bata nga hinikawan sa pagmahal sa ginikanan. Makapapiyong ang sobrang katagbaw. Sabado ang suwerte mong adlaw ug 5, 7, 6 ang palaran mong numero.
CANCER – (Hunyo 21 – Hulyo 22) – Niining bulana mosakdap sa imong kaisipan ang makapahimuot nga kagahapon. Di mo malikayan nga makapahiyom ka samtang naghanduraw. Makadawat kag regalo sa mihalad kanimo. Lahing abentura sa natad sa gugma ang masinati. Suwerte mong adlaw ang Lunes ug palaran mong numero ang 2, 1, 3.
LEO – (Hulyo 23 – Agosto 22) – Makautingkay kag kompedensiyal nga kasayoran. Di mo kini puydeng ikabutyag. Daghan ang maapektohan. Ipadayon ang malinawon mong panginabuhi. Makalingkawas ka na sa naagian mong kalisod. Matagbawon ang romansa. Biyernes ang suwerte mong adlaw ug 8, 4, 7 ang palaran mong numero.
VIRGO – (Agosto 23 – Septiyembre 22) –
Niining bulana daghan ang makamatikod sa imong tinagoan nga abilidad. Buligan kas paborableng kahigayonan. Daghan kag matabangan nga batan-ong gustong makat-on. Makapiyong kas salohang lahing katagbaw. Suwerte mong adlaw ang Miyerkoles ug palaran mong numero ang 6, 3, 2.
LIBRA – (Septiyembre 23 – Oktubre 22) –
Daghan ang imong matabangan sa sugdan mong proyekto. Mogahin kag kantidad nga idonar sa simbahan. Matigayon ang imong anak nga nagtrabaho sa abroad. Matinabangon ka sa isigkaingon. Eksayting ang lablayp. Domingo ang suwerte mong adlaw ug 5, 1, 9 ang palaran mong numero.
SCORPIO – (Oktubre 23 – Nobiyembre 21)
– Niining bulana magkapuliki ka sa daghang trabahoon. Mahapsay mo ra ang imong eskedyul. Unahon mo ang labing importante. Mogahin kag panahon sa pagrelaks. Talagsaong romansa ang idalit sa kapikas. Suwerte mong adlaw ang Huybes ug palaran mong numero ang 4, 2, 3.
Hukom: Unsa man imohang gikawat? Leah: Usa ka lata sa tinapa, kay gigutom ko.
Hukom: Pila man kabuok ang tinapa sa usa ka lata?
Leah: Upat ra kagalang-galang na hukom.
Hukom: Sige, kay nagpait man ka ipakulong ra taka og upat ka adlaw.
Rogelio: Kagalang-galang na hukom, ako si Rogelio ang iyahang bana. Naa unta ko sultion sa inyo.
Hukom: Sige, unsa man imohang sultion?
Rogelio: Nangawat pud siya og isa ka lata nga puno og batong.