MR. QUAKER OATS, PUMANAW NA

Pumanaw na sa edad na 85 ang pamosong bentador ng Quaker Oats, ang aktor na si Wilford Brimley na sumikat sa “Cocoon,” “The Natural” at “The Firm.”

Batay sa report ng kanyang manager na si Lynda Bensky, si Brimley ay binawian ng buhay sa isang ospital sa Utah habang nagda-dialysis at ginagamot sa samu’t-saring karamdaman.

Kilala si Brimley sa kanyang bigote at balbas na naging bentahe n’ya bilang modelo ng Quaker Oats.

Gumanap din siya kasama si Robert Redfor sa “Brubaker” at “The Electric Horseman.”

Pinakasumikat si Brimley sa “Cocoon” patungkol sa isang grupo ng mga senior citizen na nakadiskubre ng alien pod na nagpalakas sa kanila.

“Wilford Brimley was a man you could trust,” wika ni Bensky. “He said what he meant and he meant what he said. He had a tough exterior and a tender heart. I’m sad that I will no longer get to hear my friend’s wonderful stories. He was one of a kind.”