ANCAJAS, TULOY ANG TRAINING
PBA PRACTICE, LILIPAT SA LOW-RISK AREAS
Sa kabila ng pagpapatupad ng modified enhanced community quarantine (MECQ) sa Metro Manila at ilan pang kalapit na lugar, nakaisip naman ng paraan ang PBA upang makabalik sa pag-eensayo.
Ayon kay NLEX coach Yeng Guiao, nakakuha sila ng memorandum mula sa opisina ni PBA commissioner Willie Marcial na nagsasabing may opsyon sila upang lumipat sa mga low-risk areas upang ipagpatuloy ang kanilang ensayo.
Dagdag niya, puwede silang magensayo subalit kailangang maliit na grupo lamang at mga individual workouts lang ang maaari nilang gawin.
“I just received a memorandum from the league where it allows us to conduct small group and individual training outside MECQ areas,” sabi ni Guiao sa isang panayam sa Concept News Central.
“There are some GCQ (general community quarantine) areas where we can continue our original plan to conduct practices,” dagdag niya.
Kinumpirma naman ni Marcial ang pahayag ni Guiao, at sinabi ng PBA commissioner na nakipag-usap na siya kay Games and Amusement Board chairman Abraham Mitra at sinabing inaprubahan na ito.
“Yes, I was talking to Chairman Mitra and he approved our plan of training in areas outside MECQ,” sabi ni Marcial. “But we still have to subject all players and team staff to swab testing as well as see the health and safety guidelines that they are planning to enforce. We have to make sure that they are still following the guidelines even if they are training outside Metro Manila or other MECQ areas.”
Sa kabilang banda, sinabi naman ni Guiao na posible ang ensayo sa isang “bubble set-up” na ginagawa na rin ng NBA.
“It would be a bit costly for the teams, but I think they are willing to take on the extra cost so we can start early and salvage the season,” sabi ni Guiao. “That’s the kind of direction we are eyeing right now.”
“After all, the players and us coaches are very itchy to get back to work and we wanted to start right away and be active again,” dagdag niya.
Tuluy-tuloy ang training ni world champion boxer na si Jerwin Ancajas sa Sangely Point sa Cavite City dahil inaprubahan na ng Games and Amusement Board (GAB) ang kanyang pag-eensayo.
Halos isang buwan na ring nag-eensayo si Ancajas at sinisiguro niya na mayroon pa ring safety measures sa kanyang training laban sa kumakalat na coronavirus disease (COVID-19) sa bansa.
Ang training ni Ancajas ay para sa napipintong pagdepensa niya ng kanyang International Boxing Federation super-flyweight title sa Estados Unidos, ayon kay GAB chairman Abraham Mitra.
“They are in some sort of a bubble,” sabi ni Mitra sa online forum ng Philippine Sportswriters Association Forum kahapon.
Ayon kay Mitra, naka-quarantine ang Team Ancajas at ipinagbabawal lumabas ang sinumang kasama sa kanyang training team upang maiwasang mahawa ng COVID-19 at dagdag niya, sinisiguro niyang sumusunod sa mga safety protocols.
Nakatakdang harapin ni Ancajas si Jonathan Rodriguez ng Mexico sa Las Vegas.
“I sometimes call their attention about certain safety measures,” saad ni Mitra.
Dahil naman isinailalim sa modified enhanced community quarantine (MECQ) ang National Capital Region, Cavite, Laguna, Rizal at Bulacan, pansamantalang naka-hold ang Joint Administrative Order na inilabas ng GAB.
“This is going to be just a slight delay,” sabi ni Mitra.