PHILIPPINE SUPERLIGA, MAY GO SIGNAL NA MULA SA GAB
Maari nang magsimulang mag-ensayo ang mga koponan ng Philippine Superliga (PSL) pagkatapos ng modified enhanced community quarantine (MECQ).
Ayon kay PSL chairman Philip Ella Juico, inaprubahan na ang kanilang pagbabalik-ensayo mula sa inilabas na memorandum ng Department of Health (DoH) noong Hulyo 23.
Sinabi ni DoH Assistant Secretary
Nestor Santiago na aprubado na ang ensayo ng mga PSL teams dahil sa isinumite nitong mga health and safety guidelines para sa conduct ng physical activities at sports habang may coronavirus disease (COVID-19) pandemic.
Dagdag naman ni Juico, isa itong magandang balita para sa kanila.
“I am pleased to inform you that the health and safety protocols that we submitted to the Department of Health had been approved with some recommendations,” sabi ni Juico sa isang pahayag.
“This is really a big development as we are the first volleyball league to be allowed to return to training. We assured the government that we will do everything to follow the protocols and make sure that training and conditioning sessions would be safe and healthy for everyone,” dagdag niya.
Nagpasalamat naman si PSL president Ian Laurel sa DoH at sa Inter-Agency Task Force (IATF) sa pag-apruba ng kanilang health at safety guidelines.
“We wrote them a letter and attached the guidelines that we have crafted for the league’s safe return to practice,” sabi ni Laurel.
“We thank them for approving our submitted guidelines and making some recommendations to make sure that our trainings would be safe. With this, we are expecting the teams to coordinate with their respective LGUs (local government units) as they start their trainings,” dagdag niya.