JOHN REGALA, INILIPAT SA NKTI

Matapos kumalat ang kanyang larawan sa social media na talaga namang umantig sa damdamin ng mga netizen, naka-confine na ngayon sa National Kidney and Transplant Institute (NKTI) ang beteranong aktor na si John Regala upang sumailalim sa mga laboratory tests.

Sa isang Instagram post ni Liza Diño-Seguerra, ipinakita niya rito na nasa emergency room na si John at isasailalim siya sa ilang mga test upang malaman ang kundisyon ng kanyang liver cirrhosis at iba pang iniindang karamdaman.

Ang dating child star na si Chuckie Dreyfus naman, nagbigay din ng update medical condition ni John sa pamamagitan ng kanyang social media account at dito ay kinumpirma ni Chuckie na base sa blood chemistry results ng magaling na aktor, medyo hindi na stable ang kundisyon ng kanyang atay.

“Earlier (Monday), Dra. Melissa Sinchongco visited John because he was complaining of excruciating pain. John’s recent blood chem results have come out and shows that his creatinine levels and liver functions are very bad,” sabi ni Chuckie.

“The swelling of his feet is also caused by his liver’s lack of function. He was brought to the hospital and is currently in confinement. He is scheduled for more laboratory tests, as well as ultrasound. In addition, John was also checked for COVID-19 in the hospital via rapid test to ensure his safety and the safety of those caring for him,” dagdag niya.

“Currently, John is being monitored closely and being given the necessary medical care he desperately needs. We will continue to update everyone on John’s condition and hopeful improvement,” saad ni Chuckie.

Bukod sa kanya, nakatutok din sa health condition ni John sina Nadia Montenegro at ssi Aster Amoyo na siyang nananawagan ng tulong para sa iba pang pangangailangan ng magaling na kontrabida.