BOLTS NAMAYANI SA OT

MGA LARO NGAYON

(AUF Arena)

4 p.m. – Northport vs. NLEX 6:45 p.m. – Ginebra vs. Phoenix

CLARK – Kinailangan pa ng Meralco ang dagdag na limang minuto upang mapabagsak ang Magnolia at maitala ang 109-104 overtime victory sa pagpapatuloy ng PBA Philippine Cup eliminations sa Angeles University Foundation Arena.

Pinangunahan ni Chris Newsome at Aaron Black ang opensa ng Bolts sa overtime period kung saan umabante sila, 104-100 sa loob ng 1:24 mark.

Hindi sumuko ang Hotshots dahil nagawa pang nilang dumikit sa 104-105 may 48 segundo pa ang nalalabi sa tulong nina Jackson Corpuz at Mark Barroca.

Pero ang jumper ni Newsome sa 0:09 segundo ang nakapagpabawi sa Meralco upang maitala ang kanilang ikalawang panalo sa apat na laro.

Lumagpak naman ang Magnolia sa 1-3 kartada dahil sa pagkatalo.

Kumamada si Newsome ng 23 puntos habang nagdagdag si Black ng 16 puntos.

Pinangunahan naman ni Paul Lee ang opensa ng Magnolia ng may 32 puntos habang si Barroca naman ay nagdagdag ng 17 puntos.

Samantala, susubukang makisali sa tuktok ng standings ang Barangay Ginebra sa kanilang pagharap sa Phoenix Super LPG sa main 6:45 p.m. game ngayong araw.

Ito ay kasunod ng Northport-NLEX match na gaganapin sa alas kuwatro ng hapon.

Puntirya ng Gin Kings ang ikaapat na sunod na panalo nila sa bubble setup ng PBA.

Samantala, inaasam naman ng Road Warriors at Batang Pier na matapos na ang kanilang sunod-sunod na pagkatalo.

“It’s a huge bonus to have 3-0 despite having Japeth and LA far from perfect form. But the good thing is that they are slowly getting into shape and are now getting better,” sabi ni Ginebra coach Tim Cone.

“Japeth is now a little quicker with the ball despite huffing and puffing in the fourth quarter.”