ARCI, NAKAMOVE-ON NA

Mga mars, may naging magandang therapy pala ang aktres na si Arci Muñoz kaya naging madali ang kanyang pag-move on mula sa isang heartbreak huh!

Kasi naman, pinagtuunan ng pansin ng dalaga ang sikat na sikat ngayong K-pop group na BTS at yun daw ang nakatulong sa kanya para makabangong muli sa paghihiwalay nila noon ng kanyang ex-boyfriend.

Aminado naman si Arci na talagang matindi ang naging epekto sa buhay niya ng Korean boy group kaya naman grabe rin ang pasasalamat at pagmamahal niya sa mga ito.

“They really touched my life in so many levels,” sabi ni Arci sa isang television interview. “I don’t know the reason kung bakit ako dinirek nila Lord sa kanila. ‘Yun pala magiging source of happiness ko sila, kasi hinahanda niya ako sa break-up.”

Kuwento pa ni Arci, talagang nakakalimutan niya ang kanyang mga problema at mga hugot sa buhay kapag napapanood niya ang grupo at napapakinggan ang kanilang mga kanta.

“At first I really don’t know what to expect kung bakit I was fanning this group so hard. Then I realized they make me so happy, they really make me so happy that I tend to forget all my problems. And for sure a lot of ARMYs out there can relate that they really touched my life in so many levels,” sabi ni Arci.

Dagdag pa niya, napaka-inspirational ng naging journey ng BTS sa entertainment industry, mula sa kanilang pagsisimula hanggang sa tagumpay na tinatamasa nila ngayon hindi lang sa Korea kundi maging sa iba’t ibang bahagi pa ng mundo.