SENADO, MAMADALIIN ANG BILL PARA SA INDEMNITY FUNDS

Target ng Senado na aprubahan ang mga panukalang magbubuo ng vaccine indemnity fund at magpapabilis ng procurement ng mga coronavirus disease (COVID-19) vaccines sa second at third final reading sa Lunes.

Ayon kay Senate Majority Leader Juan Miguel Zubiri, ito ay kasunod nang pagsesertipika ni Pangulong Rodrigo Duterte na urgent ang Senate Bill 2057 at House Bill 8648 na naglalayong magkaroon ng indemnification fund ang Pilipinas at mapabilis ang COVID-19 vaccine procurement.

“We will try to pass it on second and third reading by Monday,” saad ni Zubiri.

Kung matatandaan, sinabi ni Zubiri na maaaprubahan nila ang kanilang bersyon ng panukala sa second at third reading nitong Miyerkules kung ilalabas ang certification of urgency sa nasabing araw.

Ang pagsesertipika ng isang panukala ay nagpapabilis sa pag-apruba ng Kongreso sa second at third reading sa kaparehong araw.

Kapag naaprubahan na ang Senado ang kanilang bersyon ng panukala, isang bicameral conference committee meeting ang isasagawa upang i-reconcile ang mga potential differences sa counterpart bill nito sa House of Representatives.

Ang Senate Bill 2057 ay naglalayong magbigay ng otorisasyon sa Department of Health (DoH) at sa National Task Force Against COVID-19 (NTF) upang makipagnegosasyon para sa procurement ng COVID-19 vaccines kasama ang mga ancillary supplies at services para sa storage, transport at distribution ng mga bakuna.

Magkakaroon rin ng P500-million COVID-19 National Indemnity Fund sa ilalim ng panukala at gagamitin ito para matulungan ang mga makakaranas ng matinding side effects pagkatapos bakunahan laban sa COVID-19.