WEB THREATS, DUMADAMI

Ngayong halos lahat ng Pilipino ay umaasa na sa internet connection dahil na rin sa coronavirus disease (COVID-19) pandemic na nagbunsod ng mga matitindi at matatagal na lockdowns, mayroon nang umuusbong na panganib naman para sa mga internet users.

Nitong nakaraan lang, isang report mula sa cybersecurity firm Kaspersky ang nagsabing apat sa bawat sampung online users sa Pilipinas ang nakaranas ng web threats noong nakaraang taon.

Dahil dito, nasa pang-anim na ang bansa sa mga most-attacked countries dahil sa mga web-borne threats noong isang taon.

Ayon sa mga datos na nakalap ng 2020 Kaspersky Security Network (KSN) report, ang kanilang mga web securities sa Pilipinas ay nakapagtala ng 44,410,695 na iba’t ibang internetborne threats at 42.2 porsiyento rito ang infected.

Noong 2019 naman, nasa ikaapat ang bansa na may 27,899,906 web threats o 44.4 porsiyento na tinatawag nilang near infections.

Kasama sa mga bansang may mataas na percentage ng inatakeng users ng web-borne threats noong 2020 ang Nepal (49.3 percent), Algeria (46.9 percent), Mongolia (44.5 percent), Somalia (44.0 percent), and Belarus (43.9 percent).

Ang mga bansang sumunod naman sa Pilipinas sa ranking ay ang Malaysia (42.1 percent), Brunei Darussalam (42.0 percent), Rwanda (42.0 percent) at Kenya (41.1 percent).

“One thing that all of us would remember very well about 2020 other than COVID-19 was the shift of major tasks online --- mostly within the confines of our homes,” saad ni Yeo Siang Tiong, general manager Southeast Asia ng Kaspersky.

“It is now a common scenario to see working parents juggle work and assisting kids with their online classes. The stress of finding balance has understandably affected each of us emotionally and psychologically, which created the best scenario for cybercriminals to exploit the situation,” dagdag niya.

Sinabi pa ni Yeo na dahil sa pandemya, siguradong magpapatuloy pa rin ang remote work, online classes at digitalization sa lahat ng sektor ngayong taon.

“It is high time for enterprises of all shapes and sizes to understand that online threats against individuals should now be considered as risks against companies. We need to remember that cybercriminals never sleep. Hence, our security solutions should be automated, intelligence-based, and proactive,” sabi ni Yeo.

Kaya babala para sa sambayanan: Siguraduhing ligtas ang inyong mga pinupuntahan online, dahil bukod sa nakamamatay na sakit, dagdag problema rin kung magkakaroon ng problema ang inyong internet connection.

Maaari rin kasing manakaw ang inyong mga identity o manakawan kayo ng pera mula sa inyong mga online bank accounts, at siguradong lalo lang magpapahirap sa sitwasyon.

Maging mapagmatyag at mapagsiguro mga kababayan.