KC CONCEPCION, AYAW NAA SA CONDO
Mga mars, mukhang nagsawa na sa buhaycondo ang aktres na si KC Concepcion kung kaya naman nagdesisyon na siyang iwan ang kanyang condominium at tumira na sa isang “totoong” bahay.
Sa isang social media post, sinabi ni KC na ipagpapalit na niya ang ilang taong paninirahan sa condo para sa isang tunay na “bahay” kung saan maaari niyang gawin ang lahat ng naisin niya.
Sa kanyang Instagram page, ibinahagi ng dalaga ang kanyang announcement kalakip ang illustration ng isang babae na kumakain ng pizza habang umiinom ng wine.
“This was the moment I decided to move out of my condo and try living in an actual house. Yup,
I’m moving!” sabi ng anak ni Megastar Sharon Cuneta at Gabby Concepcion.
Pero ayon sa dalaga, hindi niya sasabihin kung saan siya lilipat para na rin sa kanyang seguridad.
“Please don’t ask me where to for security reasons. All I know is, some good decisions come from the most unexpected (unguarded) moments. As for me, my enlightenment came from pizza and a glass of wine,” saad ni KC.
Kung matatandaan, naibalita na noon na matagal nang naninirahan si KC sa kanyang three-bedroom condo unit sa Bonifacio Global City sa Taguig.
Nag-post din siya sa IG ng ilang litrato na kuha sa kanyang condo noong 2019 kung saan ibinandera niya na ang ibinayad niya sa nasabing property ay katas ng kanyang pagaartista.
“Got this apartment 10 years ago. The fruits of my labor sa pag-aartista. Not a single peso from my parents unang katas ‘to! Hehe! Napakinabangan hanggang ngayon,” pagmamalaki ni KC sa kanyang achievement. There’s no place like home talaga KC… char!