VOTERS’ REGISTRATION PARA SA KALALAKIHAN
Magkakaroon ng special voters’ registration ang Commission Elections (Comelec) para sa kalalakihan bilang bahagi ng selebrasyon ng Father’s Day sa Hunyo 20.
Sa isang Facebook post kahapon, Hunyo 13, inianunsiyo ng Gender and Development Office (GAD) ng Comelec na ang tatlong araw na special voters’ registration ay itinakda sa Hunyo 21-23.
Ang pagpaparehistro sa mga local Comelec offices ay magsisimula ng 8:00 ng umaga hanggang sa 5:00 ng hapon.
Noong Marso, nagtakda rin ang Comelec ng special voters’ registration para sa kababaihan kaugnay ng selebrasyon ng National Women’s Month.
Ang pagpaparehistro para makaboto sa Mayo 9, 2022 ay hanggang sa Setyembre 30, 2021 lamang.